Valkirio
Valkirio | |
---|---|
![]() | |
milita dio | |
Verko | nord-ĝermana mitologio |
Informoj | |
Sekso | ina |
![](http://upload.wikimedia.org/wikipedia/commons/thumb/5/5e/The_Valkyrie%27s_Vigil.jpg/220px-The_Valkyrie%27s_Vigil.jpg)
Valkirioj estas figuroj de la skandinava mitologio, ĝenerale reprezentitaj kiel belegaj militistinoj sur blankaj ĉevaloj. Plejofte oni priskribas ilin kiel filinojn de Odino. La valkirioj vizitis la batalejojn kaj elektis la plej heroemajn inter la mortintoj (la einherjar) por konduki ilin al Valhalo. Odino bezonis la einherjar, por ke ili militu kun li en la mondofina batalego de la ragnarök (la krepusko de la dioj).
Etimologio
[redakti | redakti fonton]La vorto "valkirio" venas de la norena vorto valkyrja (plurale valkyrjar), el la vorteroj radikoj valr "kadavroj sur batalkampo" and kyrja "elektanto", do signifis "elektanto de la batalmortantoj. En la anglosaksa lingvo la koncerna vorto estis "wælcyrige". La moderna germana formo "Walküre" aperis en la unuaj germanlingvaj tradukoj de la Poezia Edda (Friedrich Heinrich von der Hagen 1812, Fratoj Grimm 1815 kaj Karl Joseph Simrock 1851; vidu en la vikifontaro la germanlingvan verkon Die Edda). Tiuj verkoj provizis parton de la materialo uzita fare de la germanlingva komponisto Richard Wagner en la opera ciklo La Ringo de la Nibelungo, kiu senmortigis la vorton en la opero Die Walküre ("la valkirio"), kies teksto verkiĝis inter 1852 kaj 1853. En la antikva islanda lingvo valkyrja (la elektantino de la mortigitoj).
Alfabeta listo de valkirioj
[redakti | redakti fonton]- Brunhilda
- Göll
- Göndul
- Gudr
- Gunn
- Herfjoturr
- Hildr
- Hladgunnr
- Hlokk
- Hrist
- Mist
- Rota
- Sigrdrifa
- Sigrún
- Skagull
- Skeggjald
- Skuld (unu de la tri nornoj)
- Svafa
- Trud
Aliaj rilataj mitologioj
[redakti | redakti fonton]Parcoj en helena mitologio kaj banŝio en irlanda mitologio estis mitulinoj rolantaj ĉirkaŭ morto.