Sidney

Tiu ĉi artikolo temas pri la urbo Sidney en Kanado. Pri la samnoma, plej granda urbo de Aŭstralio vidu la artikolon Sidnejo.

Sidney
urbeto vd
Administrado
Ĝemelurboj Niimi (en) (2008–) vd
En TTT	Oficiala retejo [+]
Demografio
Loĝantaro	11 672  (2016) [+]
Loĝdenso	2 289 loĝ./km²
Geografio
Geografia situo	48° 39′ N, 123° 24′ U (mapo)48.6506-123.399 [+]
Alto	5 m [+]
Areo	5,1 km² ( 510 ha) [+]
Sidney (Brita Kolumbio) DEC Situo de Sidney
Sidney (Kanado) DEC Situo de Sidney
Alia projekto
Vikimedia Komunejo Sidney, British Columbia [+]

Sidney estas urbeto situanta ĉe la norda parto de la Duoninsulo Saanich, en Vankuvera Insulo en la kanada provinco Brita Kolumbio.

Parto de Aglomeraĵo Viktorio, laŭ la stato de 2016 en la urbo vivis 11 672 loĝantoj sur areo de 5,1 kvadrataj kilometroj, kio rezultigas loĝdenson de 2 289 loĝantoj/km².

Ĝi troviĝas senpere oriente de la internacia flughaveno de Viktorio, kaj sude de la provinca pramdoko ĉe Golfeto Swartz. En Sidney estas la sola kanada doko de la vaŝingtonia pramsistemo, de kie pramŝipoj servas al Anacortes kaj la insularo Sanjuana. Sidney situas laŭ provinca ŝoseo 17, kiu trakuras la urbeton de nordo al sudo.

Okcidente de Ŝoseo 17 estas mikse unufamiliaj domoj kaj malpezaj industriejoj. Oriente de la ŝoseo plimultas apartamentecaj loĝejoj (kvankam ankaŭ tie estas unuopaj domoj) kaj tie ĉi troviĝas la komerca kaj kultura centro de la urbeto.

Esperanto

Sidney estas grava loko en la Kanada Esperanto-movado, ĉefe pro tio ke tie loĝas Wally du Temple kaj Olga du Temple. Plurfoje ĝi gastigis la regionan kongreseton NOREK, kaj en 2004 dulandan kongreson de Kanada Esperanto-Asocio kaj Esperanto-Ligo por Norda Ameriko.

Interesaĵoj

Kiam klaras la vetero, Monto Bakera dominas la orientan horizonton. Se la aero estas aparte pura, oni povas vidi la pinton de Monto Rainier en sudoriento.

Membroj de la Ĉefurba Distrikto

Flago de Brita Kolumbio

Komunumoj sur Vankuvera Insulo                 Redaktu ĉi-liston