Schorndorf

Tiu ĉi artikolo temas pri la germana urbo Schorndorf en Baden-Virtembergo, situanta en la valo de la rivero Rems, ne pri la vilaĝo Schorndorf en distriktaro Supra Palatinato en Bavario.

Schorndorf
Schorndorf (Germanio) DEC
urba komunumo de Germanio • granda distrikta urbo en Baden-Virtembergo
Ĝemelurboj Bury • Dueville • Errenteria • Kahla • Radenthein • Tulle • Tuscaloosa • Svitlovodsk vd
Administrado
Federacia lando	Baden-Virtembergo
Distriktaro	Distriktaro Stutgarto
Distrikto	Distrikto Rems-Murr
Urborajtoj	Urbo (Stadt)
Telefona antaŭkodo	07181
Poŝtkodo	73601–73614
Malnova poŝtkodo de antaŭ 1993	7060
Aŭtomobila kodo	WN
Oficiala Municipokodo	08119067
Subdivido	Urbocentro (Kernstadt) kaj 7 urbopartoj (Stadtteile)
Politiko
Komunumestro	Matthias Klopfer
Titolo de komunumestro	Oberbürgermeister
Partio de komunumestro	SPD
Adreso de la administrejo	Marktplatz 1 73614 Schorndorf
Demografio
Loĝantaro	40204 (stato 2022-12-31) [fonto: landa statistika oficejo (decembro 2020)]
Geografio
Geografia situo	48° 48′ N, 9° 32′ O (mapo)48.89.5333333333333
Alto super la marnivelo	256 m
Areo	56,86 km²
Oficiala retejo	https://www.schorndorf.de/

Schorndorf - prononco [ŜORNdorf] - estas urba komunumo en Germanio. Ĝi troviĝas en la distrikto Rems-Murr kaj en la distriktaro Stutgarto de la federacia lando Baden-Virtembergo. Fine de decembro 2022 la komunumo havis 40 204 loĝantojn. La landa ĉefurbo Stutgarto situas proksimume 29 kilometrojn okcidente.

Kune kun la najbara vilaĝo Winterbach la urbo konsistigas administran komunumaron.

Schorndorf je 1900 (malnova poŝtkarto)

Geografio

Schorndorf situas en la valo de la rivero Rems, kie la riveretoj Schornbach kaj Wieslauf enfluas la riveron. Norde troviĝas la arbaroj "Berglen" kaj "Welzheimer Wald", sude la arbaro "Schurwald".

Historio

La komunumo unuafoje dum la jaro 1235 skribe menciiĝis per la nomo „Uff dem Sand“. Poste la setlejo fariĝis urbo. En 1634 incendio detruis preskaŭ la tutan urbon, post okupado per imperiestraj trupoj kadre de la Tridekjara Milito. Fervojo kaj stacidomo venis al la urbo dum la jaro 1861.

Urbopartoj

(ekde 1972:) Buhlbronn, (ekde 1973:) Miedelsbach, Schlichten, Weiler/Rems (ekde 1975:) Haubersbronn, Oberberken (kun Unterberken) kaj Schornbach (kun Mannshaupten)

Buhlbronn

Haubersbronn

Miedelsbach

Oberberken

Schlichten

Schornbach

Weiler/Rems

Partneraj urboj

• Tulle en Francio (ekde 1969)
• Kahla en la germana federacia lando Turingio (ekde 1991)
• Bury en Britio (ekde 1994)
• Tuscaloosa en Usono (ekde 1996)
• Dueville en Italio (ekde 1998)
• Radenthein en Aŭstrio (partnera urbo de la urboparto Weiler/Rems ekde 1966)

Vidindaĵoj

Urbodomo: La urbodomo estis konstruita de 1726 ĝis 1730 laŭ planoj de la arkitekto Georg Friedrich Majer (1695 – 1765).

La naskiĝdomo de Gottlieb Daimler: Gottlieb Daimler, pioniro de la aŭtomobilhistorio, naskiĝis la 17-an de marto 1834 en la urba strato „Höllgasse“. La trabfakan domon de la familio Daimler aĉetis la avo de la inventinto en 1787 kaj 1806 je du partopagoj. Ĉi tie la posta entreprenisto pasigis sian junaĝon kiel filo de bakisto. Nun la historia domo servas kiel museo kaj seminarejo de la firmo Daimler-Chrysler.

"Urba muzeo": La urba muzeo en du trabfakaj domoj, antaŭe latin- kaj germanlingva lernejo, montras la historion de Schorndorf kaj la proksima ĉirkaŭaĵo.

urbocentra placo

Gravaj urbanoj

• Barbara Walch-Künkelin (1651–1741), urbestro-edzino, protektis la urbon dum 1688 kontraŭ elrabado fare de la armeo de Francio
• Charles-Frédéric Reinhard (1761–1837), diplomato, eseisto kaj politikisto
• Christian Friedrich Werner, germana komercisto
• Gottlieb Daimler (1834–1900), inĝeniero, konstrukciisto kaj industriisto, la pioniro de la aŭtomobilkonstruo
• Karoline Paulus (1767-1844), verkistino
• Reinhold Maier (1889–1971), ĉefministro de Baden-Virtembergo
• Jenő Bonomi, instruisto, esploristo

Eksteraj ligiloj

• Oficiala retejo (germane)

burga kastelo