Poběžovice (kastelo)

	Poběžovice
	kastelo
	Fasado de la konstruaĵo en antaŭburgejo
	Oficiala nomo: Poběžovice
	Kromnomo: Ronšperk
Ŝtato	Ĉeĥio
Regiono	Regiono Plzeň
Distrikto	Distrikto Domažlice
Administra municipo	Poběžovice
Historia regiono	Bohemio
Montaro	Bohemia arbaro
Situo	Poběžovice
- alteco	440 m s. m.
- koordinatoj	49° 30′ 40″ N 12° 48′ 12″ O / 49.51111 °N, 12.80333 °O (mapo)
Stiloj	gotika arkitekturo, baroka arkitekturo
Konstruado	post 1459
- alikonstruo	1682–1695, 1-a kvarono de la 18-a jarcento
Nuntempa posedanto	Urbo Poběžovice
Konstruintoj	Dobrohost z Ronšperka
- pluaj posedantoj	Švamberkidoj, Thun-Hohensteinidoj, Coudenhoveidoj
Horzono	MET (UTC+1)
- somera tempo	MET (UTC+2)
	Situo enkadre de Ĉeĥio Situo enkadre de Ĉeĥio
	Vikimedia Komunejo: Castle Poběžovice
	Retpaĝo: www.zamekpobezovice.cz
	Portalo pri Ĉeĥio

Koordinatoj: 49° 30′ 40″ N 12° 48′ 12″ O / 49.51111 °N, 12.80333 °O (mapo)

Poběžovice (ankaŭ Ronšperk) estas burgo alikonstruita en barokan kastelon en samnomata urbo en distrikto Domažlice. Ĝi situas en centro de la urbo sur nekarakteriza monteto en supermara alteco proksimume 440 m. Ĝi estas protektata kiel kultura memorindaĵo de Ĉeĥio.

Historio

En la urbo menciata unuafoje en la jaro 1359 ekzistis burgejo de neklara lokumigado. La burgon fondis Dobrohost z Ronšperka, kiu akiris Poběžovice-on en la jaro 1459. En la jaro 1510 konkeris la burgon reĝa soldataro de Vladislao Jogajlido gvidata de Zdeněk Lev z Rožmitálu, por ke ili haltigu rabemajn ekskursojn de Zdeněk Dobrohost z Ronšperka, filo de Dobrohost, kiu fuĝis el la lando kaj la senjorujon dividis liaj fratoj Volf kaj Václav. Plej malfrue en la jaro 1526 la burgon akiris Albrecht z Gutštejna, kiu pli poste lombardis ĝin, sed fine en la jaro 1542 vendis al fratoj Bartoloměj kaj Jan ze Švamberka. Švamberkidoj la burgon renesance alikonstruis, sed post malsukceso de nobelara ribelo ili perdis la posedaĵon, kaj la reĝa kamerao en la jaro 1522 vendis ĝin al Severin Táhlo z Horšteina. Post li alternis vico da posedantoj, el kiuj pilzena hetmano kaj praga advokato Matyáš Bohumír z Vunšic post edziĝo kun Anna Feliciánová Pachtová z Rájova meritis pri baroka alikonstruo en la jaroj 1682–1695. Pluaj familioj, al kiuj Poběžovice apartenis, estis ekzemple grafoj el Königsfeld, Thun-Hohensteinidoj aŭ grafoj el Coudenhoven. En la kastelo restadis grafino Mitsuko Coudenhove-Kalergi, kiu estas ankaŭ konata el kastelo en Horšovský Týn.

Pluaj fotografioj

Rondaspekta bastiono en angulo de pli nova konstruaĵo
Kuniga pordego inter antaŭburgejo kaj interna kastelo
Ŝtuparejo
Interna kastelo