Muzika Universitato Fryderyk Chopin
Muzika Universitato Fryderyk Chopin | |||
---|---|---|---|
![]() | |||
![]() Sidejo de la universitato.
| |||
music academy (en) ![]() ![]() | |||
kromnomo | UMFC | ||
moto | Instruistoj kiel Elsner, abiturientoj kiel Ŝopeno | ||
Informoj | |||
fondodato | 1810 | ||
fondinto(j) | Józef Elsner vd | ||
speco | ŝtata | ||
Situo | |||
Geografia situo | 52° 14′ 8″ N, 21° 1′ 20″ O (mapo)52.23565421.02227Koordinatoj: 52° 14′ 8″ N, 21° 1′ 20″ O (mapo) | ||
lando | Pollando | ||
urbo | Varsovio (Pollando) | ||
adreso | ul. Okólnik 2, 00-368 Warszawa | ||
Estraro | |||
rektoro | Klaudiusz Baran | ||
Nombroj | |||
nombro de studentoj | 952[1] | ||
Diversaĵoj | |||
retejo | Oficiala retpaĝaro [+] | ||
| |||
Muzika Universitato Frederiko Ŝopeno (MUFŜ; pole Uniwersytet Muzyczny Fryderyka Chopina, UMFC; angle The Fryderyk Chopin University of Music, FCUM[2]) estas la plej malnova kaj la plej granda muzika altlernejo en Pollando, kaj ankaŭ unu el la plej malnovaj en Eŭropo, fondita en 1810. Ĝi konsistas el ses fakultatoj, kies sidejo troviĝas en Varsovio, kaj Fakultato de Instrumentaj kaj Pedagogiaj Studoj en Bjalistoko. Ĝi havas la rajton aljuĝi la diplomon de habilitacia doktoro de muzikaj artoj en la kampoj: dirigentado, komponado kaj teorio de muziko, instrumentaj studoj kaj kanto.
Historio
[redakti | redakti fonton]La unua altlernejo en Varsovio, Ĉeflernejo de Muziko, estis fondita de Józef Elsner kaj Wojciech Bogusławski en 1810. Krome, ekde majo 1811 kadre de Nacia Teatro en Varsovio funkciis Drama Lernejo por aktoroj kaj kantistoj de la teatro.
En 1821 la lernejo estis transformita en Instituton de Muziko kaj Deklamado, kiu funkciis kadre de Fako de Belartoj de Universitato de Varsovio. Kvin jarojn poste ĝi estis dividita en du partojn: Ĉeflernejon de Muziko, kiu restis parto de la universitato, kaj Lernejo de Dramo kaj Kanto, kiu provizis bazan kaj mezan muzikan edukon. Ĉeflernejo de Muziko estis malfondita en 1831, post la novembra ribelo, kune kun la tuta universitato.
La sekva institucio funkcianta kiel muzika altlernejo estis Muzika Instituto, fondita en 1861 de Apolinary Kątski. Ĝi funkciis ĝis 1918, kiam ĝi estis transformita en Ŝtatan Konservatorion en la nove refondiĝinta Pollando. Post la komenco de la dua mondmilito la 1-an de septembro 1939 la nomo ŝanĝiĝis al Ŝtata Muziklernejo en Varsovio, kiu funkciis ĉe strato Okólnik 2 ĝis la ribelo de Varsovio en 1944 – tiam ĝia konstruaĵo estis detruita.
Post la dua mondmilito, en 1946, la lernejo ricevis la nomon de Ŝtata Muzika Altlernejo, kaj en 1962 ĝi ricevis la statuson de akademio.
En la 60-aj jaroj (ekde 1960 ĝis 1966) realiĝis la nuna konstruaĵo de la lernejo. Ĝi ekstaris en la sama loko kie agis Ŝtata Konservatorio antaŭ la dua mondmilito.
En 1974 la altlernejo ekhavis filion en Bjalistoko, kiu en 2007 transformiĝis en la eksterlokan sepan fakultaton.
En 1979 la altlernejo prenis la nomon de unu el siaj unuaj lernantoj, Frederiko Ŝopeno, kaj iĝis Muzika Akademio Frederiko Ŝopeno. La 25-an de aprilo 2008 la pola parlamento ŝanĝis la nomon al Muzika Universitato Frederiko Ŝopeno (Uniwersytet Muzyczny Fryderyka Chopina)[3].
Referencoj
[redakti | redakti fonton]- ↑ Główny Urząd Statystyczny, Szkoły wyższe i ich finanse w 2015 r., Warszawa 2016, p. 78.
- ↑ The Fryderyk Chopin University of Music in a few words.. Arkivita el la originalo je 2018-08-08. Alirita 2018-08-04.
- ↑ Dz.U. 2008 nr 97 poz. 628[rompita ligilo]