George Harrison
George HARRISON MBE [ĝorĝ HERisen] (naskiĝis la 25-an de februaro, 1943, mortis la 29-an de novembro, 2001) estis brita muzikisto.
George Harrison naskiĝis en 12 Arnold Grove, Wavertree, Liverpool, Britio. Harrison havis du fratojn (Peter kaj Harold) kai unu fratinon (Louise). Lia patro estis Harold (m.1978) kaj lia patrino estis Louise (m.7 julio 1970). Liaj lernejoj estis Dovedale Primary kaj Liverpool Institute. Li ankaŭ logis kun lia familio ĉe 25 Upton Green, Speke, Liverpool.
Famon li gajnis kiel membro de la muzikgrupo Beatles. Kvankam ĉefe John Lennon kaj Paul McCartney influis la muzikon de la Beatles, kelkaj de liaj verkitaj kantoj (ekz. Taxman, While my guitar gently weeps, Something kaj Here Comes the Sun) gajnis grandajn sukcesojn.
Lia konvertiĝo al la Hinduismo (Hare Kriŝna movado) meze de la 1960-aj jaroj riĉigis la muzikon de la Beatles per hindaj elementoj (ekz. la kantoj Within you without you, Love you to, kaj The Inner Light).
Lia unua edzino estis Pattie Boyd kaj lia dua edzino estis Olivia Trinidad Arias. Kune kun Olivia, lia filo estas Dhani (n.1 augusto 1978), kiu estas ankaŭ muzikisto.
1966-1969, Harrison loĝis en la domo Kinfauns en Esher, Surrey. 1969-2001, li loĝis en la domego Friar Park en Henley-Upon-Thames. Li ankaŭ havis domoj en Australio kaj Hawaii. Li tre ŝatis ĝardenistiko kai liaj ĝardenoj en Friar Park estis tre belaj.
Post la disiĝo de la Beatles en la jaro 1970, George Harrison komencis solistan karieron. Liaj plej grandaj sukcesoj el tiu tempo estis liaj kantoj My Sweet Lord kaj All those years ago.
La 1-an de aŭgusto 1971 George Harrison organizis la Koncerton por Bangladeŝo - la unua grandskala pop-muzika evento profitanta gravan problemon pri homaj rajtoj. Kune kun lia barata amiko Ravi Shankar li kunmetis steluloplenan koncerton en Madison Square Garden de New York por helpi bengalajn rifuĝintojn kiuj fuĝis de perforto kaj estis en Barato. La Koncerto por Bangladeŝo metis la ŝablonon por serio de masivaj bonfaradkoncertoj kiuj iĝis popularaj en la 1980-aj jaroj, kiel ekzemple Live Aid en 1985 https://www.npr.org/2021/07/30/1022352422/concert-for-bangladesh. Krom Georgo kaj Ravi Shankar en la koncerto partoprenis tiaj grandaj steloj kiel: Ringo Starr, Eric Clapton, Leon Russell, Billy Preston, Klaus Voormann, Jim Keltner, kaj 18 aliaj muzikistoj https://www.udiscovermusic.com/behind-the-albums/george-harrison-the-concert-for-bangladesh/.
George Harrison mortis en Losanĝeleso.
Eksteraj ligiloj
[redakti | redakti fonton]- http://www.cnn.com/2001/SHOWBIZ/Music/11/30/harrison.obit Arkivigite je 2004-10-11 per la retarkivo Wayback Machine
|