Aŭtovojo de Levanto
La Aŭtovojo de Levanto aŭ Orienta Aŭtovojo, en hispana A-3 Autovía del Este (iama Autovía de Valencia), estas unu de la elcentraj ses aŭtovojoj de Hispanio kaj estas la natura ligilo inter Madrido kaj la mediteranea marbordo de Valencilando, kaj plej precize kun Valencio.
La mallongigo A-3 montras la literon A kiel simbolo de aŭtovojo kaj la numero 3 ĉar tiu estas la ordonumero laŭ la ordo de aŭtovojoj radiaj (elcentraj), nome la A-1 estus la Aŭtovojo de la Nordo, A-2 Aŭtovojo de la Nordoriento, A-4 Aŭtovojo de la Sudo, A-5 Aŭtovojo de la Sudokcidento kaj A-6 Aŭtovojo de la Nordokcidento.
La iama nacia ŝoseo de Madrido al Valencio komencis ĉe la strato Avenida de la Albufera en Madrido.
