Virus (film 1980)
|
C'l artìcul chè 'l è scrit in
Miranduléś |
 Virus
| ||
.png) La Margie Newton in na figùra dal film | ||
| Vìrus 1980 | ||
|---|---|---|
| Regìa: Bruno Mattei • Claudio Fragasso | ||
| Scritōr: José María Cunillés Claudio Fragasso • Rossella Drudi | ||
| Atōr: Margie Newton • José Gras • Selan Karay Gabriel Renom • Bruno Boni • Josep Lluís Fonoll Pietro Fumelli • Franco Garofalo • Patrizia Costa Cesare Di Vito • Sergio Pislar • Bernard Seray Víctor Israel • Pep Ballester • Joaquín Blanco | ||
| Müsica: Goblin | ||
| Léngua: Itagliàṅ • Spagnōl | ||
| Dürä dal film: 99 minüt | ||
| Nasiōṅ: Itàglia • Spaggna | ||
Virus (Vìrus), cgnusû anc cuma Virus - L'inferno dei morti viventi, 'l è 'n film ad scarésa dal 1980 ad Bruno Mattei ch'al 'l à girâ insém a Claudio Fragasso.
Sunt
In un sènt'r ad risérca 'd prudót chìmig in Pàpua Nóva Guinèa, 'l Hope Center n. 1, un sórag 'l è respunsàbil dna fuga 'd gas vérd ch'al trasfórma i siensiâ e i sò culaburadōr in śómbi magna-carna. Da n'atra banda, a 'l cunsulâ americàṅ in Spaggna, un grup ad terurìsta ambientalìsta al vōl srar chi sèntar lè in tut al mónd ma i vìnan farmâ da na squàdra speciàla cumpòsta da 'l tenènt Mike London (José Gras), Osborne (Josep Lluis Fonell), Zantoro (Franco Garafalo) e Vincent (Selan Karay) ch'i gh la càv'n a intràr dènt'r a 'l edifìsi druànd dal gas lagarmōl.
In séguit la squàdra la s trasferìs in Pàpua Nóva Guinèa in du i salvàdag dal pòst i èṅ drē a pèrdar la tèsta esénd ch'i aṅ tacâ a masàr-as 'l un cun c'l àtar. A i militàr i s unìsan pò na giurnalìsta francéśa, la Lia Rousseau (Margit Evelyn Newton), e 'l sò cameraman Max (Gabriel Renom).