Urban Legend - Final Cut
|
C'l artìcul chè 'l è scrit in
Miranduléś |
 Urban Legend - Final Cut
| ||
 La Loretta Devine in na figùra dal film | ||
| Legénda urbàna - Taj finàł 2000 | ||
|---|---|---|
| Regìa: John Ottman | ||
| Scritōr: Paul Harris Boardman Scott Derrickson • Silvio Horta | ||
| Atōr: Jennifer Morrison • Marco Hofschneider Matthew Davis • Hart Bochner • Loretta Devine Joey Lawrence • Anson Mount • Eva Mendes Jessica Cauffiel • Michael Bacall • Peter Millard | ||
| Müsica: John Ottman • Damon Intrabartolo | ||
| Léngua: Ingléś | ||
| Dürä dal film: 97 minüt | ||
| Nasiōṅ: Stat Unî • Cànada | ||
Urban Legend - Final Cut (Legénda urbàna - Taj finàł) 'l è 'n film ad scarésa americàṅ e canadéś dal 2000 ad John Ottman, séguit 'd Urban Legend ad dū an prima.
La pelìcula l'à muciâ sù dagnóra quarànta migliòṅ ad dòlar a 'l incìrca a frònt 'd un cóst ad quatórdas.
Sunt
L’Amy Mayfield (Jennifer Morrison) l'è na studènta dn'acadèmia 'd cìnema. Insém a i sò cumpàgn ad cōrs la gh'à da preparàr na téśi su i film ad scarésa par partecipàr a 'l prèmi Hitchcock. Dascurénd cun la Reese Wilson (Loretta Devine), na guàrdia 'd sicurésa ch'l'éra stada testimòṅ ad soquànt masamènt in un culéǵ universitàri americàṅ, la decìd ad giràr un film su 'n sasèṅ seriàł ch'al cópa tgnénd adrē a soquànti legéndi metrupulitàni. Pròpria cla sira lè na studènta ciamàda Lisa (Jacinda Barrett) la finìs masàda dòp ch'i gh'ìvan cavâ via 'n rugnòṅ. Anc la Sandra (Jessica Cauffiel) la fà na bruta fiṅ.
In cal méntar l’Amy la và avànti c'n al sò film cun 'l ajùt dal cameraman Simon (Marco Hofschneider) dòp ch'la s éra quistiunàda cun Toby Belcher (Anson Mount) ch'al n iva minga mandâ śò 'l fat che chi lē la gh'is fargâ l'idéa. Purtròp a 'l impruvìś al s tōś la vita Travis Stark (Matthew Davis) p'r un brut vōt ciapâ a scōla ma 'l sò śmèl Trevor (Matthew Davis) al n créd mia ch'a s sia tratâ 'd un suicìdi.
I sasinamènt i cuntìnuan cun Stan (Anthony Anderson) e Dirk (Michael Bacall) fat fóra su 'l set dla pelìcula Tunnel dal terōr ma par la pulisìa a s éra tratâ dna daśgràsia. Vdénd na luś in sima a 'n campanìl, l’Amy la và a védar catànd-ag la Vanessa Valdeon (Eva Mendes), na lèśbica inamuràda 'd lē. A s trata dna trapla dal sasèṅ ch'l impìca la ragàsa a la campàna.