Deuces Wild - I guerrieri di New York
C'l artìcul chè 'l è scrit in
Miranduléś |
![]() | ||
Deuces Wild - I guerrieri di New York | ||
![]() Stephen Dorff e la de Matteo in na figùra dal film | ||
Deuces Wild - I gueriēr ad New York 2002 | ||
---|---|---|
Regìa: Scott Kalvert | ||
Scritōr: Paul Kimatian • Christopher Gambale | ||
Atōr: Stephen Dorff • Brad Renfro • Fairuza Balk Norman Reedus • Max Perlich • Drea de Matteo Vincent Pastore • Matt Dillon • Frankie Muniz Balthazar Getty • Debbie Harry • James Franco | ||
Müsica: Stewart Copeland | ||
Léngua: Ingléś | ||
Dürä dal film: 96 minüt | ||
Nasiōṅ: Stat Unî • Germàgna |
Deuces Wild - I guerrieri di New York (Deuces Wild - I gueriēr ad New York) 'l è 'n film dramàtic americàṅ e tedésc dal 2002 ad Scott Kalvert, ambintâ a la fiṅ di an Sinquànta a New York.
Custâ siē migliòṅ e mèś ad dòlar, al film al 'n à fat pò sù dagnóra sènt.
Sunt
Leon (Stephen Dorff) 'l è 'n śōv'n ad Brooklyn ch'al fà part dna banda 'd strada ciamàda „Dū 'd Pic“ insém a dò fradèl Bobby (Brad Renfro). Chi lōr i gh 'l ànan dimóndi c'n al grup rivàl dal sò quartēr dal „Bisi“, specialmènt da quànd sò fradèl più cic Alfonso dit Allie Boy (Blake Bashoff) 'l è mòrt p'r overdose cumpràd dla dròga da 'l cap 'd qvi là, Marco Vendetti (Norman Reedus). Adès che Marco 'l à finî 'd pasàr tri an in parśòṅ par cal fat lè, al vrév vindicàr-'s ad Leon parchè 'l créd ch'al sia stâ lò a denunsiàr-al.
Bobby in cal méntar al s inamóra dna ragàsa ch'l'è vgnuda a star in dal quartēr da pôc, l’Annie Pockets (Fairuza Balk) ma 'l prubléma 'l è che sò fradèl Jimmy (Balthazar Getty) 'l è 'n mémbar dal Bisi. Dòp soquànti casutarìi fra 'l dū bandi, al boss Fritzy (Matt Dillon) 'l órdna a Leon e a Marco 'd far paś, ma Leon al s tira indrē mulànd dū casòt a 'l sò rivàl, anc parchè chi lò prima 'l iva piciâ la sò muróśa, la Betsy (Drea de Matteo), parchè la n vliva minga turnàr sèg.