Carbunê 'd putàsi
C'l artìcol chè 'l è scrit in
Carpśàn |
![]() K2CO3 | |
![]() | |
Masa muleculàra: 138,05 g/mol | |
Indicasiòṅ ad sicurésa: ![]() Frèś H: 315 - 319 - 335 Cunsìli P: 302+352 • 305+351+338 |
Al carbunê 'd putàsi, ciamê anca putàsa, 'l è al sêl dal putàsi edl àcid carbónic.
Al só aspèt normêl 'l è 'd un sòlid bianc e inudōr. 'L è 'n cumpòst iritànt e nocìṿ.
La putàsa la vin druèda in dla produsiòun artigianêl dal savòun e dal vēder.
![](http://upload.wikimedia.org/wikipedia/commons/thumb/d/d4/Potassium_carbonate.jpg/270px-Potassium_carbonate.jpg)
El só proprietê
Al carbunê 'd putàsi 'l è dimòndi solùbil in dl'aqua (1 120 g/l) per dèr dal solusiòun bèśichi. Cun l'idrolìś, la solusiòun ed carbunê 'd putàsi la dà l'idròsid ed putàsi:
K2CO3 + H2O → KHCO3 + KOH.
Insèm coi àcid, a s forma al diósid ed carbòni e 'l sêl ed putàsi ch'a gh'corespònd.
Preparasiòun
Carbunatasiòun edl idròsid ed putàsi :
2KOH + CO2 → K2CO3 + H2O
Cla reasiòun chè l'è quèla druèda al dè 'd incō per la preparasiòun industriêl dal carbunê 'd putàsi. 'L idròsid ed putàsi ch'al vìn prìma, 'l è preparê da l'eletrolìś dal clorùr ed putàsi.
D'indû a deśvîn al só nòm
La paròla "putàsa" la deśvìn da l'uniòun edla paròla francéś pot, a dir "vêś" e da la tudèsca ache, a dir sèndra, perchè na vòlta la putàsa la s catèva bujènd e fend vaporèr edl'àqua cun dal sèndri vegetèli in di vêś.