Putrajaya

Putrajaya

Prang Besar
Putrajaya Prang Besar
Administrative capital and Federal territory
	Wilayah Persekutuan Putrajaya; Federal Territory of Putrajaya
Other transcription(s)
• Jawi	ڤوتراجاي‎
• Mandarin	布城 (Simplified); 布城 (Traditional); Bùchéng (Hanyu Pinyin)
• Tamil	புத்ராஜெயா; Putrājāyā (Transliteration)
	From top, left to right:; Perdana Putra housing the office of Malaysia's Prime Minister, the Putra Mosque, the Putrajaya Corporation Complex, the Tuanku Mizan Zainal Abidin Mosque, the PICC, Seri Wawasan Bridge, High-rise ministry complexes, and Aerial view of Putrajaya
	Flag Seal
	Motto(s): "Bandar raya Taman, Bandar raya Bestari"
	Putrajaya in Malaysia
	Coordinates: 02°55′48″N 101°41′24″E / 2.93000°N 101.69000°E
Country	Malaysia
First settled	c. 1921
Planned city established	19 Gumas 1995
Transferred from Selangor to federal jurisdiction	1 Mansak 2001
Government
• Type	Direct federal administration
• Administered by	Putrajaya Corporation
• President	Dato' Fadlun bin Mak Ujud
Area
• Total	49 km2 (19 sq mi)
Population (Q4 2023)
• Total	119,500
• Density	2,400/km2 (6,300/sq mi)
Human Development Index
• HDI (2022)	0.886 (very high) (2nd)
Time zone	UTC+8 (MST)
Postcode	62xxx
Calling code	+603-88
ISO 3166 code	MY-16
Mean solar time	UTC+06:46:40
Vehicle registration	F and Putrajaya
Rapid Transit
Website	www.ppj.gov.my

Putrajaya toi ko' ngaran dau i poimponu Wilayah Persekutuan Putrajaya nopo nga longkod pomuruanan Kerajaan Persekutuan Malaysia i minongolon do Pomuruanan Karajaan pogulu dii i poinladsong id mogisuusuai kinoyonon id Kakadayan Kuala Lumpur ontok 1999. Putrajaya nopo nga iso tama kakadayan abaal id suang taman, i poinladsong 25 kilometer ponong kabaatan do Kuala Lumpur om iso nogi kakadayan futuristik kinoyonon do tama pogun pusat pomuruanan Kerajaan Persekutuan. Putrajaya nogi nga Wilayah Persekutuan ko-3 id Malaysia.

Mantad iso kinoyonon id pisuk i ointutunan miampai ngaran do Prang Besar, kinoyonon diti nokoburu miampai ngaran Putrajaya kotimpuun do Gumas 1994. Piiradon nopo miampai Kuala Lumpur, iso kakadayan nayadaan do susumolod, pinoburu o Putrajaya do tulun mamasok sondii miampai woyo do koubasanan tampatan.

Etimologi

Hogot "putra" (पुत्र) om "jaya" (जया) nopo nga goduduo mantad hogot serapan do Boros Sanskrit.^[4] Nung mantad do gamut boros Malayu, istilah Putrajaya nopo nga mantad do putera di sangat berjaya i kikomoyon do Tulun Malaysia di nakalantoi. Lobi khusus nopo nga Bumiputra di nakalantoi do manaraju pogun Malaysia. Montok tutumombului di poinsusuai i tumombului do Putrajaya, ii nopo nga kaagal-agal do Washington, D.C. id Amerika Syarikat, Canberra id Australia, om Brasilia id Brazil. Nokopiontok toi ko' amu, koumbal i Datuk Kelana Putra minonguasa do jajahan Serdang om sabap dii Putrajaya nokosiliu soboogian mantad do kinoyonon Serdang. Nga i otopot nopo, Putrajaya lobi sumuku kumaa Tunku Abdul Rahman Putra Al-Haj, Perdana Menteri Malaysia di kumoiso.^[5]

Sajara' om rika bontuk

Putrajaya, ngaran mantad dau nopo nga Prang Besar (Malay: ڤراڠ بسر; alternatif dau Perang Besar), pinoturidong do British ontok toun 1918 sabaagi Air Hitam.^[6] Timpuunon nopo ii nopo nga pointongkop kinoyonon di kiginayo do 800 acres (3.2 km²), sumusuhut pinagayo kawagu ii gisom 8,000 acres (32 km²), om pinaamung miampai kinoyonon kabun id posorili, kaampai no Ladang Raja Alang, Ladang Galloway, om Ladang Bukit Prang.

Dimpoton montok manganu do Pusat Pomuruanan Kerajaan Persekutuan i wagu montok mongolon do Kuala Lumpur sabaagi pusat pomuruanan nopo nga nokoimbulai ontok kolimpupuson 1980-an, maamaso timpu jawatan Perdana Menteri Malaysia ko-4, Dr. Mahathir Bin Mohamad. Napalan no do kakadayan wagu diti nopo nga poinladsong id tanga' do Kuala Lumpur om nogi Tutubpoon Kapal Tulud Sompomogunan Kuala Lumpur (KLIA). Bandar baru ini telah dirancangkan terletak di antara Kuala Lumpur dan Lapangan Terbang Antarabangsa Kuala Lumpur (KLIA). Pinosogu o duo kinoyonon, Prang Besar om Janda Baik id Pahang.^[7]

Minogibooboros o Kerajaan Persekutuan miampai pogun Selangor kokomoi do Wilayah Persekutuan di suai om ontok pintangaan toun 1990-an, minambarai o Kerajaan Persekutuan soginumu tusin kumaa Selangor montok do 11,320 acres (45.8 km²) tana' id Prang Besar, Selangor. Asil mantad pomolian tana' dii, dondo pogun Selangor nopo nga monorili do duo wilayah Persekutuan id suang pialatan, ii nopo nga Kuala Lumpur om Putrajaya.

Pinalan sabaagi taman om kakadayan abaal, 38% kinoyonon dii nopo nga poimbida montok kinoyonon otomou miampai popotosol do koingkawason landskap semula jadi. Iso pogiromutan do kinoyonon alangga om ralan-ralan di alaab pinaamung id suang palan dii. Nokotimpuun o kapamansayan ontok wulan Magus 1995 om ii nopo nga projek bobos agayo id Malaysia om iso mantad do projek bobos agayo id Kabaatan Kosilahon Asia miampai anggaran kos tohuri nopo nga US$8.1 bilion. Noreka om nowonsoi o projek di do syarikat Malaysia di poinggonop miampai 10% no mantad kakamot-kakamot di noimport.

Kobolingkaangan Kousinan Asia 1997 minomoloyo do koburuon Putrajaya. Ontok toun 1999, minundaliu o 300 tulun kukumaraja Upis Perdana Menteri kumaa id Putrajaya om ii nopo i noolu nga minundaliu ontok toun 2005. Ontok 1 Mansak 2001, nokoisytihar di Tun Dr Mahathir o Putrajaya sabaagi Wilayah Persekutuan miampai upacara kapatahakan kakadayan Putrajaya mantad do puru kikuasa' pogun Selangor.

Ontok toun 2002, noukab o wayaan tren i ointutunan sabaagi do KLIA Transit, i poporomut do Putrajaya miampai do Kuala Lumpur om Tutubpoon Kapal Tulud Sompomogunan KL id Sepang. Sundung ingkaa, pinotingkod o kapamansayan Monorel Putrajaya i kitudu sabaagi do sistem metro id kakadayan diti sabap no do kos. Iso mantad sunsuyon poinggiwis do monorel id Putrajaya kakal po au oguno.

Ontok toun 2007, mogigion Putrajaya nopo nga pokiikiro lobi 30,000, i kaampai do loolobi i kukumaraja' porinta'. Kukumaraja' porinta' nopo nga nounsub montok mundaliu kumaa id kakadayan maya mogisusuai subsidi om nogi kaalasan program porinta'.

Ontok wulan Ngiop 2013, minanain o karajaan Putrajaya do suat imanon (LOI) miampai karajaan Sejong City id Kabaatan Korea montok panakatanda' do pisokodungan goduduo kakadayan dii.^[8]

Putrajaya Holdings Sdn Bhd nopo nga momomoburu apangkal do koburuon Putrajaya. Pinoturidong ontok 19 Gumas 1995, mongingigit saham dau nopo nga Petroliam Nasional Berhad toi ko' PETRONAS - syarikat petroleum kabansaan (64.4%); Khazanah Nasional Berhad - syarikat pelaburan Kerajaan Malaysia (15.6%); om Kumpulan Wang Amanah Negara (20.0%).

Montok papaharo Putrajaya, pinobooboros o Rang Undang-undang Perbadanan Putrajaya 1995 om koundolihon kumaa Perlembagaan montok poposiliu Putrajaya iso Wilayah Persekutuaniddi parlimen ontok Magus 1995 om Momuhau 2000. Tumanud rikud awam di haro, pinapalabus nogi o Putrajaya Holdings do bon di kigatang RM4.5 bilion montok koburuon Putrajaya dinondo i nokosiliu mercu tanda' kumaa kalantayon Malaysia.

Kotombuluyan

Imej panorama Putrajaya, (dari kiri ke kanan) Jambatan Putra, bangunan Kementerian Kewangan Malaysia disebelah kiri, tersergam megah ditengah Jambatan Seri Wawasan, dan Istana hingga Sultan Selangor, Istana Darul Ehsan disebelahnya.

Panorama Putrajaya dari Taman Tasik Cyberjaya, gambar diambil pada Disember 2022.

Suai ko mantad pusat pomuruanan karajaan Persekutuan, ointutunan nogi o Putrajaya maya kogingahan om nogi i kagayat tutumombului. Piipiro i kagayat do kotombuluyan i haro id Putrajaya nopo nga:

Perdana Putra
Masjid Putra
Sunsuyon Putra
Masjid Tuanku Mizan Zainal Abidin
Dataran Putrajaya
Monumen Alaf Baru
Istana Kehakiman
Seri Perdana
Sunsuyon Seri Perdana
Putrajaya Landmark
Taman Wetland Putrajaya
Pusat Konvensyen Antarabangsa Putrajaya (PICC)
Taman Kabaatan
Yayasan Kepimpinan Perdana
Istana Melawati
Dataran Warisan
Komontirian kousinan Malaysia
Wisma Putra
Istana Darul Ehsan
Tasik Putrajaya
Taman Wawasan
Taman Botani Putrajaya

Sukuon

↑ "Laporan Kiraan Permulaan 2010". Jabatan Perangkaan Malaysia. p. 27. Pinoopi mantad sand̠ad ontok 8 Madas 2011. Linoyog ontok 24 Milatok 2011.
↑ "Demographic Statistics, Fourth Quarter 2023". Department of Statistics, Malaysia. Linoyog ontok 14 Mikat 2024.
↑ "Malaysia Human Development Index (MHDI), 2022". Department of Statistics, Malaysia. Linoyog ontok 14 Mikat 2024.
↑ Edi Sedyawati; Ellya Iswati; Kusparyati Boedhijono; Dyah Widjajanti D. (1994). Kosakata Bahasa Sanskerta dalam Bahasa Melayu Masa Kini. Jakarta, Indonesia: Pusat Pembinaan dan Pengembangan Bahasa. Departemen Pendidikan dan Kebudayaan Republik Indonesia.
↑ "Fanciful origins of Malaysian town names". The Star (id boros Inggeris). Linoyog ontok 2 Manom 2021.
↑ "The Story of Prang Besar". Arabis.org (id boros Inggeris). Linoyog ontok 30 Milatok 2019.
↑ Abdullah, Hasfiza (Mansak 2012). Dari Prang Besar ke Putrajaya. Dewan Bahasa dan Pustaka. Pinoopi mantad sand̠ad ontok 4 Ngiop 2019. Linoyog ontok 26 Gumas 2015.
↑ "Closer ties between Putrajaya and Sejong, Korea." (Archived from the original) The Star (Malaysia). Saturday 6 April 2013. Updated on Friday 26 April 2013. Retrieved on 1 January 2014.

[1] "Laporan Kiraan Permulaan 2010". Jabatan Perangkaan Malaysia. p. 27. Pinoopi mantad sand̠ad ontok 8 Madas 2011. Linoyog ontok 24 Milatok 2011.

[Putrajaya_population-2] "Demographic Statistics, Fourth Quarter 2023". Department of Statistics, Malaysia. Linoyog ontok 14 Mikat 2024.

[3] "Malaysia Human Development Index (MHDI), 2022". Department of Statistics, Malaysia. Linoyog ontok 14 Mikat 2024.

[4] Edi Sedyawati; Ellya Iswati; Kusparyati Boedhijono; Dyah Widjajanti D. (1994). Kosakata Bahasa Sanskerta dalam Bahasa Melayu Masa Kini. Jakarta, Indonesia: Pusat Pembinaan dan Pengembangan Bahasa. Departemen Pendidikan dan Kebudayaan Republik Indonesia.

[5] "Fanciful origins of Malaysian town names". The Star (id boros Inggeris). Linoyog ontok 2 Manom 2021.

[6] "The Story of Prang Besar". Arabis.org (id boros Inggeris). Linoyog ontok 30 Milatok 2019.

[7] Abdullah, Hasfiza (Mansak 2012). Dari Prang Besar ke Putrajaya. Dewan Bahasa dan Pustaka. Pinoopi mantad sand̠ad ontok 4 Ngiop 2019. Linoyog ontok 26 Gumas 2015.

[8] "Closer ties between Putrajaya and Sejong, Korea." (Archived from the original) The Star (Malaysia). Saturday 6 April 2013. Updated on Friday 26 April 2013. Retrieved on 1 January 2014.

[1]

[2]

[3]

[4]

[5]

[6]

[7]

[8]