Kjarchob
Erscheinungsbild
![](http://upload.wikimedia.org/wikipedia/commons/thumb/b/b8/Cazow_%E2%80%93_row_Marjany_Doma%C5%A1kojc.jpg/300px-Cazow_%E2%80%93_row_Marjany_Doma%C5%A1kojc.jpg)
Kjarchob, teke: zakopowanišćo - jo město, źož zakopujo zamrětych, cesto pśi tom se pśewóźujo religiozny abo swětny ritus. Zapołoženje kjarchobow z pśedkśesćijańskich casow se w archeologiji ako rowowišćo abo nekropola wopisujo.
Kjarchob wobstoj z rowow, rowowych komorkow, drožkow a tego zelenego mjazy nimi. Kjarchoby su wótcynjone za zjawnosć, familija a pśiswójźbne zamrětych mógu wobstaraś a woplěwaś jich rowy.
Słowo "kjarchob" jo z nimskej rěcy, w dolnoserbšćinje se teke pomjenjenje "zakopowanišćo" wužywa a ako pśenjasony wóznam jo znaty teke wuraz Bóža rola[1]. W serbšćinje jo znate pśisłowo Kakiž ten kjarchob, taka ta wósada.