Mohan
Mohan[1] (teke Main[1]; nimski Main) jo rěka w nimskich krajach Bayerskej, Baden-Württembergskej a Hesseńskej a z dłujkosću 527 kilometrow nejdlejšy pśiběg Ryna wót pšawego boka. Nastawa blisko Kulmbacha w Frankskej z Běłego a Cerwjenego Mohana. Prědny jo 41 km dłujki a wužrědli se na pódzajtšnem boku góry Ochsenkopfa w Fichtelowych górach na wusokosći 887 m, drugi jo 73 km dłujki a pśiźo z Frankskeje alby pódpołdnje Bayreutha.
Mohan | |
---|---|
Swójske mě | nim. Main |
![]() | |
Stat | ![]() |
Pśestrěń | 27292 km² |
Dłujkosć | 527 km |
Žrědło | Fichtelowe góry (Běły M.) / Frankska alba (Cerwjeny M.) |
Wulew | blisko Mainza do Ryna |
Wažne města nad Mohanom su stary Babin (Bamberg), Schweinfurt, Würzburg, Aschaffenburg a Frankobrod. Blisko Mainza wulewa se Mohan do Ryna.
Mohan jo wót lěta 1992 pśez kanal zwězany z Dunajom. Wažne pśiběgi su Regnitz, Tauber a Frankska Solawa.
Žrědła
wobźěłaśWótkaz
wobźěłaś Commons: Mohan – Zběrka wobrazow, widejow a audio-datajow