Staliniaeth
Athrawiaeth wleidyddol yw Staliniaeth sydd yn gyfystyr â dulliau llywodraethu a pholisïau Joseff Stalin (1878–1953), a fu'n unben ar yr Undeb Sofietaidd o 1927 i 1953. Prif bolisïau llywodraeth Stalin yn y cyfnod hwn oedd diwydiannu ar raddfa gyflym, damcaniaeth "sosialaeth mewn un wlad", y wladwriaeth dotalitaraidd, cyfunoli ffermydd, cwlt personol yn enw Stalin,[1][2] a darostwng buddiannau pleidiau comiwnyddol mewn gwledydd eraill i ideoleg a rhaglen wleidyddol y Blaid Gomiwnyddol Sofietaidd, a ystyriwyd ar flaen y gad yn y chwyldro comiwnyddol.[3]
Galwodd Stalin am gynyddu gwrthdaro dosbarth a defnyddiwyd trais y wladwriaeth i chwynnu cymdeithas a chael gwared ar fygythiad y fwrdeisiaeth i'r chwyldro comiwnyddol. O ganlyniad, bu ymgyrchoedd eang o erledigaeth yn erbyn y rhai a ystyriwyd yn elynion y proletariat, gan gynnwys gwrth-chwyldroadwyr yn y dosbarth gweithiol.[4][5]
![](http://upload.wikimedia.org/wikipedia/commons/thumb/f/f1/JStalin_Secretary_general_CCCP_1942.jpg/220px-JStalin_Secretary_general_CCCP_1942.jpg)
Cyfeiriadau
[golygu | golygu cod]- ↑ Jan Plamper, The Stalin Cult: A Study in the Alchemy of Power (2012).
- ↑ Isaac Deutscher, Stalin: A Polityical Biography (2nd edition, 1961) chapters 7-9 online
- ↑ T. B. Bottomore. A Dictionary of Marxist thought. (Wiley-Blackwell, 1991). p. 54.
- ↑ Stephen Kotkin. Magnetic Mountain: Stalinism As a Civilization. First Paperback Edition. Berkeley and Los Angeles, California, USA: University of California Press, 1997. ISBN 9780520208230. pp. 71, 81, 307.
- ↑ Jeffrey Rossman. Worker Resistance Under Stalin: Class and Revolution on the Shop Floor. Harvard University Press, 2005. ISBN 0674019261.