Organisation de l'Armée secrète
![](http://upload.wikimedia.org/wikipedia/cy/thumb/e/ed/Thedayofthejackal.jpg/200px-Thedayofthejackal.jpg)
Mudiad cudd terfysgol asgell dde o ymsefydlwyr Ffrengig yn Algeria yn y 1960au oedd yr Organisation de l'Armée secrète (OAS; hefyd Organisation armée secrète).
Cafodd ei sefydlu yn 1961 gan y Cadfridog Raoul Salan i wrthwynebu unrhyw symudiad tuag at roi annibyniaeth i Algeria ar Ffrainc. Cyflawnodd gyfres o ymosodiadau terfysgol a llofruddiaethau nid yn unig yn Algeria ond yn Ffrainc ei hun. Mae rhai yn credu bod yr OAS wedi mwynhau cefnogaeth ar lefel uchel iawn o fewn y sefydliad Ffrengig a bod llawer o wybodaeth heb ei datguddio eto.
Ei weithred mwyaf adnabyddus oedd ei ymgais i lofruddio Charles de Gaulle, arlywydd Ffrainc, ym mis Medi 1961, am ei fod ar fin dod i gytyndeb â'r cenedlaetholwyr Algeriaidd ac yn barod i ildio annibyniaeth iddynt (cytunwyd telerau annibyniaeth ym Mawrth, 1962. Cafodd yr arweinydd Salan ei arestio yn Ebrill 1962 a'i ddeddfrydu; treuliodd gwta chwe mlynedd (1962-68) yn y carchar am ei droseddau. Byr fu parhad yr OAS yn sgîl hynny.
Diwrnod y Siacal
[golygu | golygu cod]Mae'r nofel gan Frederick Forsyth, The Day of the Jackal, a'r ffilm o'r un enw (1973), yn seiliedig ar ddigwyddiadau Medi 1961.
Llyfryddiaeth
[golygu | golygu cod]- Yves Courrière, La guerre d'Algérie, cyfrol 4 : Les feux du désespoir (Fayard, 1969)
- Anne-Marie Duranton-Crabol, Le Temps de l'OAS (Complexe, 1995)
- Georges Fleury, Histoire secrète de l'OAS (Grasset, 2002)
- Rémi Kauffer, OAS. Histoire d'une guerre franco-française (du Seuil, 2002)
- Marie-Thérèse Lancelot, L'Organisation armée secrète, (Fondation nationale des sciences politiques, 1963)