Dmanisi
Math | dinas, safle archaeolegol ![]() |
---|---|
Poblogaeth | 3,012 ![]() |
Cylchfa amser | UTC+04:00 ![]() |
Daearyddiaeth | |
Sir | Bwrdeistref Dmanisi ![]() |
Gwlad | ![]() |
Uwch y môr | 1,171 metr ![]() |
Cyfesurynnau | 41.3322°N 44.2044°E ![]() |
Cod post | 1700 ![]() |
![]() | |
Tref fechan yw Dmanisi (Georgeg: დმანისი, Aserbaijaneg: Başkeçid) yn ardal Kvemo Kartli o wlad Georgia, tua 93 km i'r de-orllewin o brifddnas y wlad, Tbilisi. Saif yn Nyffryn Mashavera.
Darganfyddiadau archaeolegol
[golygu | golygu cod]Mae'r dref yn nodedig oherwydd darganfyddiad archaeolegol pwysig: ffosiliau o un o'r homininau cyntaf y tu allan i Affrica, ac efallai yn rhagflaenu homininau Affrica. Credir ei fod yn dyddio i 1.81 cyn y presennol (CP).[1][2] Dyma un o'r ardaloedd cyfoethocaf ei ffosiliau o homininau ar y blaned.[3]
Bu yma gloddio archaeolegol rhwng 1936 a'r 1960au. Darganfuwyd cyfres o benglogau yn y 2010au cynnar a roddodd fodolaeth i ddamcaniaeth mai un llinach oedd y rhywogaethau gwahanol o fewn y genws homo. Enwir y penglogau yn y drefn y deuthpwyd o hyd iddynt e.e. 'Penglog 5' oedd y pumed penglog i weld golau dydd.
![](http://upload.wikimedia.org/wikipedia/commons/thumb/c/cb/Ruins_of_Dmanisi_Castle.jpg/390px-Ruins_of_Dmanisi_Castle.jpg)
Homo erectus georgicus
[golygu | golygu cod]Deuthpwyd o hyd i ffosiliau o esgyrn hominin (neu 'ddyn') rhwng 1991 a 2005. Bedyddiwyd ef yn Homo georgicus ond fe'i ailddosbarthwyd, a bellach caiff ei adnabod fel Homo erectus georgicus. Credir ei fod yn isrywogaeth o Homo erectus, yn hytrach nag yn rhywogaeth ynddo'i hun. Dyma'r hominin cynharaf (hynaf) a ganfuwyd hyd yma (2017) yn y Cawcasws.
Cyfeiriadau
[golygu | golygu cod]- ↑ Garcia, T., Féraud, G., Falguères, C., de Lumley, H., Perrenoud, C., & Lordkipanidze, D. (2010). “Earliest human remains in Eurasia: New 40Ar/39Ar dating of the Dmanisi hominid-bearing levels, Georgia”. Quaternary Geochronology, 5(4), 443–451. doi:10.1016/j.quageo.2009.09.012
- ↑ Gabunia, Leo; Vekua, Abesalom; Lordkipanidze, David et al. "Earliest Pleistocene Hominid Cranial Remains from Dmanisi, Republic of Georgia: Taxonomy, Geological Setting, and Age". Science 12 Mai 2000: Vol. 288 no. 5468 pp. 1019–1025. DOI: 10.1126/science.288.5468.1019.
- ↑ discovermagazine.com; Archifwyd 2017-06-29 yn y Peiriant Wayback adalwyd 9 Mawrth 2017.