Afon Cefni
afon yn Ynys Môn
Mae Afon Cefni yn un o'r afonydd pwysicaf ar Ynys Môn, Cymru. Ei hyd yw 16.9 km (11 milltir).
 | |
| Math | afon  |
|---|---|
| Cysylltir gyda | Llyn Cefni |
| Daearyddiaeth | |
| Sir | Ynys Môn |
| Gwlad |  Cymru |
| Uwch y môr | 3 metr |
| Cyfesurynnau | 53.2°N 4.4°W |
| Aber | Malltraeth |
 | |
Mae Afon Cefni yn tarddu i'r gogledd o bentref Bodffordd yng nghanol yr ynys, a gerllaw Bodffordd mae'n llifo i mewn i Lyn Cefni, cronfa a ffurfiwyd trwy adeiladu argae ar draws yr afon. Wedi gadael y llyn, mae'r afon yn llifo tua'r de-ddwyrain i gyfeiriad Llangefni, lle mae'n llifo trwy ganol y dref. Mae wedyn yn troi tua'r gorllewin ac yn llifo odditan ffordd yr A55 cyn llifo trwy Gors Ddyga. Ym mhentref Malltraeth mae'n pasio trwy lifddorau yn rhan ogleddol y cob i gyrraedd y môr.
Llong
golygu- Prif: Afon Cefni (llong)
Cafodd y llong hwyliau Afon Cefni, chwaer-long Afon Alaw, ei henwi ar ôl yr afon.
