Апартеид
Апартеид ве я апартхейд (африкаансча apartheid - айры олмакъ) - Дженюбий Африка укюмети тарафындан 1948 сенесинден 1991 сенесине къадар ерли беяз терили олмагъан адамларгъа, эм де Асиядан иджрет эткенлерге къаршы япылгъан ыркъчы айырув ве ашалав ресмий сиясетидир.
Бу сиясет, Дженюбий Африканынъ авропалы ве авропалы олмагъан эалисининъ айры инкишафы фикрине эсаслана. Апартеид къаиделеринден файдаланув нетиджесинде ДЖАДЖ эалисинынъ эксериети акъсызлыкъ вазиетине кетирильген эди. Ренкли эали (банту, ерлилер, метислернинъ) джемиетте беязларнынъ киби акъкъылары ёкъ эди. Меселя, 23 миллион къараренклининъ парламент сайлавларында рей акъкъы ёкъ эди.
Апартеид тертиби Дженюбий Африка укюметини дюнья топлулыгъы огюнде яманлады. 1976 сенеси апартеид джинаетини токътатмакъ ве оны джезаламакъ макъсадынен БМ Девлетлерарасы мукъавелеси амельге кечти.