Shahnameh
![](http://upload.wikimedia.org/wikipedia/commons/thumb/b/b9/Shahnameh3-1.jpg/280px-Shahnameh3-1.jpg)
Shāhnāmé, o Shāhnāma (Persianu: شاهنامه, altirnativi ortugrafichi sò Shahnama, Shahnameh, Shahname, Shah - Nama littiralamenti "Noma di i Rè"), traduttu com'è U Libru di i Rè, hè una vasta opara puetica scritta da u pueta persianu Ferdowsi intornu à u 1000 d.C. circa ed hè l'epica naziunali di u mondu di lingua pirsiana. U Shâhnameh conta u passatu miticu è storicu di u so paesi, l'Iranu, da a criazioni di u mondu, finu à a cunquista islamica di u VII seculu.
À parti a so impurtanza litteraria u Shâhnameh, scrittu in persianu arcaicu, hè statu di fundamintali impurtanza par a rinascita di a lingua pirsiana successivamenti à l'influenza di l'arabu.
Stu vuluminosu travagliu, cunsidaratu un capulavoru litterariu, rifletti ancu a storia di u grandi imperu persianu, i so valori culturali, i so antichi riligioni (Zoroastrisimu), hè u so prufondu sensu naziunali. Ferdowsi hà cumplittatu u Shâhnameh in u mumentu in u quali l'indipindenza naziunali era stata cumprumissa. Mentri ci sò mimurabili eroi è eruini di tipu classicu in l'opara, u veru prutagonistu hè a Persia stessa. Hè dunqua un impurtanti libru par tuttu u mondu persianu-iranianu, trà u quali l'Afganistanu, u Tagikistanu è altri populi di l'Asia cintrali.
![](http://upload.wikimedia.org/wikipedia/commons/thumb/4/41/Ferdowsi_phoenixferdowsi.jpg/280px-Ferdowsi_phoenixferdowsi.jpg)
Stu libru hè impurtanti ancu par i restanti 200.000 zuruastriani in u mondu, parchì u Shâhnameh traccia l'iniziu di u Zoroastrisimu finu à a scunfitta di l'ultimu rè zuruastrianu da parti di l'invasori arabi.
I copii illustrati di l'opara sò trà i più suntuosi asempii di miniatura pirsiana. Diversi copii rimanini oghji intatti, bench'è dui di i più famosi a Houghton Shahnameh è a Gran Mongol Shahnameh funi suddivisi in foglii vinduti siparatamenti in u XXu seculu. Un unicu fogliu (tandu à u museiu Aga Khan) hè statu vindutu par 1,7 milioni di dullari in u 2006. [1] U Bayasanghori Shâhnâmeh, una copia manuscritta (Palazzu Golestan, Iranu), hè stata inclusa da l'UNESCO in a lista di a Mimoria di u mondu.
Noti
[mudificà | edità a fonte]- ↑ Fini Books Magazine, Item 7 [archiviu 2020-08-03; Ritruvatu 2013-11-14].
Bibliugrafia
[mudificà | edità a fonte]- Rostam: Tales from the Shahnameh (Publisher: Hyperwerks 2005), The Story of Rostam & Sohrab Archiviu 2014-08-06 at the Wayback Machine ISBN 0-9770213-1-9, rumanzu graficu mudernu inglesu.
- Rostam: Return of the King (Publisher: Hyperwerks 2007), The Story of Kai-Kavous and Soodabeh Archiviu 2014-08-06 at the Wayback Machine ISBN 0-9770213-2-7, rumanzu graficu mudernu inglesu.
- Rostam: Battle with The Deevs (Publisher: Hyperwerks 2008), The Story of The Evil White Deev Archiviu 2009-04-01 at the Wayback Machine ISBN 978-0-9770213-3-8, rumanzu graficu mudernu inglesu.
- Rostam: Search for the King (Publisher: Hyperwerks 2010), The Story of Rostam's Childhood Archiviu 2011-01-19 at the Wayback Machine ISBN 978-0-9770213-4-5, rumanzu graficu mudernu inglesu.
Fonti
[mudificà | edità a fonte]'Ss'articulu pruveni in parti o in tutalità da l'articulu currispundenti di a wikipedia taliana.