Scilla
![](http://upload.wikimedia.org/wikipedia/commons/thumb/9/9a/Skylla_BM_621.jpg/310px-Skylla_BM_621.jpg)
Scilla hè un mostru marinu di a mitulugia greca. Sicondu a virsioni più cumuna, Scilla hè figlia di u diu marinu Forcu (o Ladonu) è di Cetu. Sicondu a tradizioni ripurtata da l'Udissea, inveci, hè figlia di una dea, chjamata Crateide.
Altri lighjendi a dicini nata da Forbate è da Ecate, oppuri da quist'ultima è Forcu. Era ancu cunsidarata figlia di Tifone è Echidna, oppuri di Zeus è di Lamia; in stu casu, fù l'unica figlia à essa stata risparmiata da a stizza di a ghjilosa Era.
Mitu
[mudificà | edità a fonte]![](http://upload.wikimedia.org/wikipedia/commons/thumb/4/44/Bell-crater_Scylla_Louvre_CA1341.jpg/310px-Bell-crater_Scylla_Louvre_CA1341.jpg)
À l'iniziu Scilla era una ninfa incù l'ochji turchini, figlia di Forcu è Cetu. Scilla campava in Sicilia (sicondu parechji virsioni in u sudu di a Calabria) ed era avvezza à ricà si nantu à a spiaghja di Zancle è fà u bagnu in l'acqua di u mari. Una sera, vicinu à a spiaghja, vedi appariscia da l'ondi Glaucu, figliu di Puseidonu, chì un tempu era statu un murtali, ma ormai era un diu marinu mità omu è mità pesciu.
Scilla, tarrurizata à a so vista, si rifughjò nantu à a vetta di un monti chì surghjia vicinu à a spiaghja. U diu, vista a riazzioni di a ninfa, principiò à urlà li u so amori, ma Scilla fughjì lascendu lu solu incù u so dulori.
Tandu Glaucu si cullucò à l'isula di Eea da a maga Circi è li dumandò un filtru d'amori par fà innamurà a ninfa d'eddu, ma Circi, disidarendu u diu par sè, li pruposi d'uniscia si à edda.
Glauco si ricusò di tradiscia u so amori par Scilla è Circi, furiosa d' essa stata rinviata à u postu di una murtali, volsi vindicà si.
Quandu Glaucu si ni fù andatu, priparò una puzioni malefica è si cullucò vicinu à a spiaghja di Zancle, lampò u filtru in mari è riturnò à a so dimora.
Quandu Scilla ghjunghjì è s'immersi in acqua par fà un bagnu, vedi crescia intornu ad edda mustruosi testi di ghjacari.
Spavintata, fughjì da l'acqua ma s'accorsi chì i ghjacari erani attaccati à i so ghjambi incù un coddu sarpintinu. Si resi contu tandu chì sinu à u bacinu era sempri una ninfa ma à u locu di i ghjambi spuntavani sei musi feroci di ghjacaru.
Par via di l'orrori di a situazioni, Scilla si lampò in mari è andò à viva in a cavità di un scogliu vicinu à a sapara ind'edda stava ancu Cariddi.
Scilla hè discritta da Omeru in l'Udissea, XII, 112 è sgg.
Scilla, com'è Cariddi, hè ancu u nomu di i più famosi traghetti di i Ferrovii di u Statu, in sirviziu in l'acqui di u Strettu di Missina.
Cultura di massa
[mudificà | edità a fonte]- In Age of Mythology Scilla apparisci com'è unità mitica di i grechi è hè a contraparti acquatica di l'idra : i dui mostri ani in cumunu l'abilità d'acquistà più testi ogni volta ch'eddi uccidini l'unità numichi.
- In God of War: Ghost of Sparta hè u prima boss è apparisci com'è un dragonu curazzatu è incù tantaculi annantu à u pettu.
- Apparisci in C'era una volta... Pollon
- Eiu di Scilla, un di i setti Generali di l'abissi di u manga di l'animi è manga I Cavalieri di u zudiacu, indossa un'armatura inspirata da Scilla.
Bibliugrafia
[mudificà | edità a fonte]- Anna Maria Carassiti, Dizziunariu di mitulugia greca è rumana, Roma, Newton & Compton, 1996, pp. 365 pp.. ISBN 88-8183-262-3.
- Almanaccu pupulari di Corsica, Oletta, 1931 Archiviu 2016-03-07 at the Wayback Machine
Citazioni
[mudificà | edità a fonte]Scilla hè stata citata calchì volta in a litteratura corsa, in particulari in a puisia anonima intitulata Libertà! publicata in l' Almanaccu pupulari di Corsica par 1931:[1]
- Di fà li servi
- è cosa chì ci stanca;
- par noi, sempri
- da Cariddi in Scilla.
- Or ripigliemu
- quilla bandera bianca,
- u veru emblema
- di a nostra libertà !
Da veda dinò
[mudificà | edità a fonte]Noti
[mudificà | edità a fonte]- ↑ (p. 88-89).
Liami esterni
[mudificà | edità a fonte]- A storia di Scilla è Cariddi. URL cunsultatu u 13-04-2010.
Catiguria:Criaturi di a mitulugia greca Catiguria:Ibridi mitulogichi
Fonti
[mudificà | edità a fonte]'Ss'articulu pruveni in parti o in tutalità da l'articulu currispundenti di a wikipedia in talianu.