Alpana
| |||||
---|---|---|---|---|---|
![]() | |||||
Pandion haliaetus | |||||
Classificazione scentifica | |||||
Regnu | Animalia | ||||
Divisione | Chordata | ||||
Classa | Aves | ||||
Ordine | Ciconiiformes | ||||
Famiglia | Accipitridae | ||||
Generu | Pandion | ||||
Nome binuminale | |||||
Pandion haliaetus Linnaeus, 1758 | |||||
L' Alpana (Pandion haliaetus) hè un acellu chì face parte di a famiglia di l'Accipitridae. Hè l'unica spezia chì face parte di u generu Pandion. Si stima chì ci sò circa 6000 copii d'alpane in Europa.
Descrizzione
[mudificà | edità a fonte]L'alpana hè alta 50-60 cm. Hè più maiore ch'è u buzaiu. Pò campà sin'à 32 anni. A so apertura alare varieghja da 1,45 m à 1,65 m. Pesa da 1 à 2 kilò. E so nare si ponu chjude, ciò chì permette à l'alpana si stà mori sottu à l'acqua per piscà. I diti sò putenti è e sgrinfie sò longhe. U sopra di l'alpana hè niricciu, invece u sottu hè biancu. 'Ssu cuntrastu hè caratteristicu di 'ssu acellu. L'alpana face ogni annu, da mezu aprile à u principiu di maghju, una cuvata di trè ovi, in generale. L'ovu hè cuvatu da 35 à 40 ghjorni. U piulacone stà in i nidu da 8 à 10 simane.
Ripartizione
[mudificà | edità a fonte]L'alpana hè cumuna in Asia, in Africa, in America Centrale è in Nord'America, è in Europa. A maiò parte di l'alpane d'Europa passa l'inguernata in Africa è ghjunghje dopu in Europa, à l'eccezzione di l'alpane di u Mediterraniu è in particulare di l'alpane chì sò arrighjunate in Corsica. L'alpaa ùn teme micca di travirsà i grandi diserti.
In Corsica
[mudificà | edità a fonte]![](http://upload.wikimedia.org/wikipedia/commons/thumb/6/60/Corse-04914-r%C3%A9serve_de_Scandola-nid_balbuzard.jpg/250px-Corse-04914-r%C3%A9serve_de_Scandola-nid_balbuzard.jpg)
L'alpana hè prisente in Corsica.[1] Hè ancu chjamata l'alpaghja. Dipoi sempre, ci hè statu dui tipi di pupulazione d'alpane in Corsica (Thibault 1983). Prima, une pupulazione arrighjunata, cullucata sopratuttu annantu à a facciata marittima uccidentale di l'isula. Sicondu, una pupulazione d'alpane ghjunghjitticce, ghjunta in migrazione, d'aprile à sittembre è chì pò passà l'inguernu annantu à i stagni di Corsica. Ùn firmava più ch'è quattru coppii arrighjunati versu 1970 in a riserva di Scandula. Ma sicondu e testimunianze, l'alpane arrighjunate in Corsica stavanu dinù, innanzi, in u Capicorsu è in u sudestu di l'isula. Da 1977 à 1980, ci era 6 à 10 coppii in Corsica, posti annantu à 90 kilomitri di coste. In 1981, ci eranu 20 coppi è l'alpana s'era arrighjunata dinù in u so rughjone anticu di u Capicorsu. Ma ci n'hè avà circa 40, a maiò parte essendu in a Riserva Naturale di Scandola.
![](http://upload.wikimedia.org/wikipedia/commons/thumb/f/f2/Pandion_haliaetus_MHNT.ZOO.2010.11.93.9.jpg/220px-Pandion_haliaetus_MHNT.ZOO.2010.11.93.9.jpg)
Biolugia
[mudificà | edità a fonte]Per u più, l'alpana si nutrisce di pesci, ma accade ch'ella manghjessi ranochje, accillucci di mare o d'acqua, o picculi mammiferi, cum'è a bellula.
U nidu di l'alpana hè fattu di branche. Hè custruitu annantu à qualchì pinzu, qualchì arburu maiore o qualchì scogliu. Accade andu, ma raramente, ch'ellu fussi custruitu in terra, quandu ùn ci hè micca predatori.
Tassonumia
[mudificà | edità a fonte]L'alpana hè a sola spezia di u generu Pandion. Hè stata discritta per a prima volta da Carl von Linné in 1758 sottu u nome di Falco haliaetus. Parechje sottuspezie sò state discritte, ma a so validità hè oghje discutita. E più ricunnusciute sò :
- Pandion haliaetus haliaetus : sottuspezia numinale, prisente in Europa è in Asia
- Pandion haliaetus carolinensis : sottuspezia nordamericana
- Pandion haliaetus cristatus : sottuspezia australasiana
Prutezzione
[mudificà | edità a fonte]L'alpana era in tempi d'una volta minacciatu da a caccia è a distruzzione di u so ambiente. Eppuru, e so pupulazione anu criscutu sti pochi anni grazia à a prutezzione legale è à i prugrammi di cunsirvazione. Hè attualmente classificata cum'è essendu di preoccupazione minore da l'Unione Internaziunale per a Cunsirvazione di a Natura (UICN).
L'alpana hè cunsiderata cum'è rara in l'Unione Europea è hè prutetta da a cunvinzione internaziunale di Washington (CITES) chì interdisce u cummerciu di e spezie di fauna è di flora minacciate di sparizione.
Note
[mudificà | edità a fonte]- ↑ Thibault & Bonaccorsi (1999), Thibault (2006).
Referenze
[mudificà | edità a fonte]- L'acelli - Les oiseaux, Ghjuvan Petru Battestini, Adecec, 1982 Archiviu 2012-01-11 at the Wayback Machine
- J.-C. Thibault & G. Bonaccorsi, The birds of Corsica, British Ornithologists’ Union, Check-list n°17, 1999
- Jean-Claude Thibault, Connaître les oiseaux de Corse - Acelli di Corsica, Ed. Albiana, 2006
Ligami
[mudificà | edità a fonte]- L'alpana, Kallistea Archiviu 2009-06-01 at the Wayback Machine
Da vede dinù
[mudificà | edità a fonte]Altri prugetti
[mudificà | edità a fonte]Pandion haliaetus annantu à Wikimedia Commons.