کەناڵی ئەلجەزیرە
کەناڵی ئەلجەزیرە | |
---|---|
دامەزران | ١ی تشرینی دووەمی ١٩٩٦ |
دامەزرێنەر | Hamad bin Khalifa Al Thani |
وڵات | قەتەر |
خاوەن | Al Jazeera Media Network |
بەشێکە لە کۆمپانیای | Al Jazeera Media Network |
خاوەنی | BeIN Sports USA، Bein Sports، beIN Sports |
شوێنی بارەگاکان | دەوحە |
زمانەکان | زمانی عەرەبی، زمانی ئینگلیزی |
خەڵاتەکان | Ibn Rushd Prize for Freedom of Thought، Four Freedoms Award – Freedom of Speech |
وێبگە | https://www.aljazeera.com/، https://www.aljazeera.net/، https://chinese.aljazeera.net/، http://aljazeera.com.tr/ |
بەستەری ھەواڵ | https://www.aljazeera.com/xml/rss/all.xml |
بەستەری سیاسەتی پاراستن | https://privacy.aljazeera.net/ |
Sitemap URL | https://www.aljazeera.com/sitemap |
![](http://upload.wikimedia.org/wikipedia/commons/thumb/3/36/Al_Jazeera_English_Newsdesk.jpg/220px-Al_Jazeera_English_Newsdesk.jpg)
کەناڵی ئەلجەزیرە کەناڵێکی تەلەفزیۆنی هەواڵی حکومییە و سەر بە تۆڕی میدیایی ئەلجەزیرەیە، لە ١ی تشرینی دووەمی ١٩٩٦ دامەزراوە و بارەگا سەرەکییەکەی لە دەوحەی پایتەختی قەتەرە. سەرەتا وەک کەناڵێکی ئاسمانی بۆ هەواڵی عەرەبی و کاروباری هەنووکەیی دەستی پێکرد و لەو کاتەوە بە هەمان ناوی “ئەلجەزیرە” کەناڵەکە فراوانتر بووە و بووەتە تۆڕێکی میدیایی نێودەوڵەتی کە ژمارەیەک دەزگای هەیە، لەوانە ئینتەرنێت و کەناڵە تەلەفزیۆنییە تایبەتمەندەکان بە چەند زمانێک لە چەند ناوچەیەکی جیهان.
هەوڵی سەرەکی کەناڵەکە گواستنەوەی بیروڕا جیاوازەکان بوو، ئەوەش وایدەکرد جێگەی خۆی بکاتەوە لە گفتوگۆکان لە وڵاتانی خەلیج و بەشێك لە وڵاتانی عەرەبی، وە وێستگەی گرنگی ڕووماڵەکانی لە کاتی ھێرشەکانی ١١ی ئەیلوولی ٢٠٠١ بوو کە تاکە کەناڵ بوو جەنگی ئەفغانستانی بە شێوەیەکی ڕاستەوخۆ دەگواستەوە وە هەروەها پارچە ڤیدیۆیی لێدوانی سەرکردەکانی ڕێکخراوەی ئەلقاعیدە و ئوسامە بن لادنی پەخش دەکرد، هەروەها سەرنجی زۆری خەڵکی ڕاکێشا بە ڕووماڵکردنی شۆڕشەکانی بەھاری عەرەبی هەریەک لە: تونس، میسر، لیبیا، سوریا و یەمەن.
کەناڵی جەزیرە کێبڕکێ لەگەڵ کەناڵە نێودەوڵەتییە گەورەکانی زمانەکانی عەرەبی و ئینگلیزی دەکات، لەوانە سی ئێن ئێنی ئەمریکی و فۆکس نیوز. لە مانگی حوزەیرانی ساڵی ٢٠١٢، پاکێجی کەناڵی beIN) Sports) لە فەرەنسا کرایەوە، سەر بە تۆڕی جەزیرە کە ناسر خلێفی سەرۆکایەتی دەکات، تایبەتمەندە بە بەرنامە وەرزشییەکان و ١٠ کەناڵ لەخۆدەگرێت و لە ماوەی سێ مانگدا بووە کەناڵێکی وەرزشی لە فەرەنسا.
دامەزراوەکە
[دەستکاری]کەناڵی ڕەسەنی ئەلجەزیرە لە ساڵی ١٩٩٦ بە بەخشینی ١٥٠ ملیۆن دۆلاری ئەمیری قەتەر حەمەد بن خەلیفە ئال سانی دەستی پێکرد. کەناڵەکە لە ١ی تشرینی دووەمی ١٩٩٦ دەستی بە پەخش کرد، دامەزراندنی کەناڵی جەزیرە بە نزیکەیی هاوکات بوو لەگەڵ داخستنی بەشی عەرەبی تەلەفزیۆنی بی بی سی (کە بە هاوبەشی لەگەڵ سعودیە دامەزرا) لە نیسانی ١٩٩٤، دوو ساڵ دوای دامەزراندنی بەهۆی سانسۆرەوە کە سعودیە داوای دەکرد .زۆرێک لە کارمەندانی وێستگەکە پەیوەست(خۆیان گواستەوە) بوون بە کەناڵی جەزیرەی بەریتانی، کەناڵی جەزیرە ئێستا بەشێکە لە تۆڕی جەزیرە.[١]
کەناڵی جەزیرە لە ساڵانی یەکەمدا بەبێ ڕیکلام دەستیپێکرد و دواتر دەستیکرد بە پەخشکردنی ڕێکلام، کەناڵی جەزیرە ئامانجی ئەوە بوو تا ساڵی ٢٠٠١ لە ڕێگەی ڕیکلامەوە بتوانێت خۆبژێوی بکات، لە ساڵی ٢٠٠٠ ڕێکلام لە ٪٤٠ی داهاتی وێستگەکەی دابین دەکرد، بەڵام بەهۆی دوودڵی ڕیکلامکەرانی سعودی بۆ گرێبەستکردن لەگەڵیدا شکستی هێنا، بەڵام میری قەتەر ڕەزامەندی دەربڕی لەسەر بەردەوامبوون لە پشتگیریکردنی ساڵانە ٣٠ ملیۆن دۆلار لە ساڵی ٢٠٠٤. [٢]
نیشانە
[دەستکاری]نیشانەی ئەلجەزیرە، نوێنەرایەتییەکی ڕازاوە و شێوەی گوێزی هیندی ناوی تۆڕەکەیە کە بە بەکارهێنانی ڕێنووسی عەرەبی (دیوانی) نووسراوە. لەلایەن دامەزرێنەری وێستگەکەوە شێخ حەمەد بن خەلیفە ئال سانی میری پێشووی قەتەر وەک براوەی بەشداری پێشبڕکێی دیزاین هەڵبژێردرا. [٣]
هەڵگران
[دەستکاری]سەرۆکی تۆڕی جەزیرە شێخ حەمەد بن ثامر ئال سانی، ئامۆزای دوور بە دووری ئەمیری پێشووی قەتەر شێخ حەمەد بن خەلیفە ئال سانی.
سەرچاوە
[دەستکاری]بەستەری دەرەکی
[دەستکاری]- کەناڵی جەزیرە لە ئەنتەرنێت
- کەناڵی جەزیرەی ئینگلیزی لە ئەنتەرنێت
- ماڵپەری کەناڵی جەزیرەی وەرزشی
- کەناڵی جەزیرەی دیکۆمێنتاریی
- ناوەندی ڕاگەیاندنی ئەلجەزیرە بۆ ڕاهێنان و گەشەپێدان
![]() |
کۆمنزی ویکیمیدیا، میدیای پەیوەندیدار بە کەناڵی ئەلجەزیرە تێدایە. |