کتێب
ئەم وتارە بۆ سەلماندن پێویستی بە ئاماژەی زیاتر بە سەرچاوەکان ھەیە. (فێربە کەی و چۆن ئەم داڕێژەیە لابەریت) |
![](http://upload.wikimedia.org/wikipedia/commons/thumb/3/3d/Book_Collage.png/220px-Book_Collage.png)
کتێب (لە عەرەبییەوە: كتاب) یان پەرتووک (بە ئینگلیزی: book) ناوێکە بەکاردێت بۆ یەکێک لە پیرۆزترین کاڵاکانی (شمەکەکانی) مێژووی ھەموو مرۆڤایەتی، کە خزمەتێکی یەکجار گەورەی بە مرۆڤایەتی کردووە لە ھەموو بوارەکانی ژیان و گوزەرانیدا، بەردەوامیشە لەم خزمەتە، پەرتووک تاقە شتە کە ھەموو مرۆڤایەتی بە جیاوازی بیروباوەڕ و ئایین و ڕەگەزیانەوە بە پیرۆزی دەزانن و ھیچ کەسێک نییە لەم جیھانە پان و بەرینەدا دژی پەرتووک بێت، بەڵام وەکوو کاڵا نەک وەکوو ناوەڕۆک، چونکە ناوەڕۆکی پەرتووک ھەموو جارێک بە دڵی خوێنەر نابێت و جاری واش ھەیە وا لە خوێنەر دەکات کە نەک ھەر بەدڵی نەبێت بەڵکوو دژیشی بوەستێت. بەڵام وەکوو کاڵایەک پەرتووک لەلایەن ھەموو کەسێک و ھەموو بیروباوەڕێک بە سەرچاوە و بنچینەی زانست و داھێنان و پێشکەوتن دادەنرێت.[١]
پەرتووک باوی بەسەرناچێت
[دەستکاری]خوێندنەوەی پەرتووک چێژی تایبەتی خۆی ھەیە و ھەرگیز باوی ناڕوات و بەسەرناچێت. لەگەڵ ئەوەی پێشکەوتنێکی گەورە لە ھەموو بوارەکانی ژیاندا دروست بووە و چەندین ھۆکاری کات بەسەربردنی جۆراوجۆری وەکوو (ئینتەرنێت و تەلەڤیزیۆن و یارییە ڤیدیۆیییەکان و ھتد... ) ھاتوونەتە بەرھەم، بەڵام نەیانتوانیوە و ناشتوانن جێگەی پەرتووک بگرنەوە، تەنیا ئەوە نەبێت تۆزێک کاریان کردووەتە سەر ژمارەی خوێنەران و خۆشەویستانی.
پەرتووک و شارستانییەتی
[دەستکاری]پەرتووک وەک ناوی دەرکردووە بە باشترین ھاوڕێی مرۆڤ بنەمای ھەموو شارستانیەتی و پێشکەوتنێکە، ھەر گەلێک خۆشەویستی پەرتووک بن سەرکەوتنیان مسۆگەرە و ھەر گەلێکیش گرینگی پێ نەدەن و بەدەمییەوە نەچن و نەیکەنە ھاوڕێی ئایین و ژینیان ئەوا لە شەمەندەفەری پێشکەوتندا جێگایان نابێتەوە و سەرەنجامی باشیان نابێت و ناتوانن بەسەر دووژمنانیاندا زاڵ بن.
![لە سەرەتاکانی پەیدابوونی نووسین لە شارستانییە کۆنەکان، چەن ئۆبجێکتێکی تر بەکارەھێنران بۆ نووسین وەکو؛ بەرد، قوڕ، دار، شیتی کانزایی و ئێسک.](http://upload.wikimedia.org/wikipedia/commons/thumb/1/16/SumerianClayTablet%2Cpalm-sized422BCE.jpg/220px-SumerianClayTablet%2Cpalm-sized422BCE.jpg)
ئەمانەش ببینە
[دەستکاری]سەرچاوەکان
[دەستکاری]ئەم وتار پێویستی بە پۆلی زیاتر یان چەند پۆلێکی دیاریکراو ھەیە. |
![]() |
کۆمنزی ویکیمیدیا، میدیای پەیوەندیدار بە کتێب تێدایە. |