Umar bin Khattab
'Umar bin al-Khattab | |
---|---|
![]() | |
Pamimpin Alak-Alak namariman (Amir al-Mu'minin) | |
Maso kakuasoan | 23 Agustus 634 – November 7 644 |
Gorar singkop | 'Umar bin al-Khattab |
Arajaan |
al-Faruq ("Panyarak antara na peto dot najat") Amir al-Mu`miniin ("Pamimpin Alak-Alak Namariman") |
Sorang |
c.583 Mokkah, Jazirah Arab |
Maninggal |
3 November 644 Madinah, Jazirah Arab |
Imokomkon | Bariba siambirang mokom Nabi Muhammad, Al-Masjid al-Nabawi, Madinah[1] |
Ipajolo | Abu Bakar Ash-Shiddiq |
Panggonti | Utsman bin Affan |
'Umar bin Khattab marasal sian Bani Adi, sala sada rumpun alak Quraisy, alak tarbahat i kota Mokkah atia i. Amangnia margorar Khattab bin Nufail Al Shimh Al Quraisyi dot inangnia Hantamah binti Hasyim, sian Bani Makhzum.[2] 'Umar puna gorar na ilehen ni Nabi Muhammad ima Al-Faruq na artianna alak na bisa manyarak antara napeto dot najat. I jaman jahiliyah sabagas 'Umar tarmasuk i sabagas alak manonga, ia bisa mambaca dot manulis, na i maso i na jarang dope.
Biografi
[pature | pature sumber]Dompak so maragama Islam, Umar ima alak na lobi abiaran dot iargai ni alak Mokkah. Umar juo targorar manjadi sada paminum borat, sadebana suratan mandokon molo molo maso dompak so-Islam (Jahiliyyah), Umar najopan roana maminum anggur. Sidung manjadi sada Muslim, ia inda jungada be manjontik alkohol saotik pe, bope indape iturunkon larangan maminum khamar (na patenggenkon) sacara lidang.
Maragama Islam
[pature | pature sumber]Atia Nabi Muhammad ﷺ mangobarkon Islam sacara tarbuka i Mokkah, Umar nida nalumobi goyak niroana tu sia, sadebana surat mandokon molo kaum Muslim atia i mangakui molo Umar ima lawan na lumobi i paretongkon kalai, hal on arani Umar na madung targorar na lobi malo manjadi ahli strategi porang dot sada prajurit na lobi beteng i satiop porang na unjung idohoti ia. Umar juo tarsurat manjadi alak na bahatna dot nadodasna mamake sinagogoan tuna manyekso pangiut Nabi Muhammad ﷺ.
I untuk goyak ni roana tu ajaran Nabi Muhammad ﷺ, Umar mangobarkon giot mancubo mambunu Nabi Muhammad ﷺ, tai atia i pardalanannia ia marsuo dot sala sada pangiut Nabi Muhammad ﷺ margorar Nu'aim bin Abdullah na sidungi mangalehen ia obar molo iboto ni Umar madung maragama Islam, ajaran na ioban ni Nabi Muhammad ﷺ nagiot ibunu nia atia i. Arani obar i, Umar tarsonggot dot mulak tu bagasna langkana giot mangukum angginia, iriwayatkon molo Umar pasuo dohot iboto nia i atia mambaca Al Qur'an surat Thoha ayat 1-8, ia murmaholas i baenna dot manenju ibotoniaon. Atia mangida ibotonia marmudar binaen tenjunia ia manjadi ibo, dot sidungi mangido anso bacaan on bisa i ligi ia, iriwayatkon Umar manjadi mopeng dibaen aha na ibaca on, ngasadia onok sidung hak on Umar mangobarkon maragama Islam, inda ba dabe hal na saonok naon tutu marbariba tusia mambaen ampir saisi Mokkah rempot arani sasadaalak na tarbonggal lobi beteng manontang dot lobi kejam tuna manyekso alak pangiut Nabi Muhammad ﷺ sidungi maragama ajaran na lumobi igoyaki ia, mambaen Umar ipaasing sian pardonganan i Mokkah dot ia manjadi urang sanga inda iargai ni namora- namora ni Quraisy na saonok naon binoto totop marbariba tusia.
Hangoluan i Madinah
[pature | pature sumber]I taon 622 M, Umar dohot rap Nabi Muhammad ﷺ dot namaragama Islam nalain marhijrah (pindah) (tu Yatsrib (saonnari Madinah) . Ia juo dohot i porang Badar, Uhud, Khaybar dot panyerangan tu Syria. Ia ianggap manjadi alak na lobi iargai ni kaum Muslim i maso i arani salain hangoluan nia najolo na tarbonggal kian sian maso dompak so-Islam, juo arani ia targorar manjadi alak natarpatujolo na totop marbariba tu Nabi Muhammad ﷺ dot ajaran Islam na i satiop langkana na adong sampe ia inda mardua-roa mangalo dongan-dongan onoknia na solpu rap ia dohot manyekso alak pangiut Nabi Muhammad ﷺ.
Referensi
[pature | pature sumber]- ↑ Abdul Ghani, M. Ilyas. 2005. op cit. Hal. 39-41.
- ↑ Ja'farian, Rasul (2003). Sejarah Islam: sejak wafat Nabi ﷺ sampai runtuhnya Dinasti Bani Umayah (11 - 132 H). Lentera. ISBN 979-3018-77-1. Check date values in:
|date=
(help)
Ligin muse
[pature | pature sumber]- Yerusalem
- Kalender Hijriyah
- Paporangan Yarmuk
- Paporangan Qadisiyyah
- Kakaisaran Romawi
- Omar (serial TV)
Referensi
[pature | pature sumber]- Haikal, Muhammad Husain. Hayatu Muhammad. Kairo: Daar al-Ma'arif.
- Kelengkapan Tarikh Nabi Muhammad ﷺ, KH Munawar Chalil
- Donner, Fred, The Early Islamic Conquests, Princeton University Press, 1981
- Guillaume, A., The Life of Muhammad, Oxford University Press, 1955
- Madelung, Wilferd, The Succession to Muhammad, Cambridge University Press, 1997
- "G.LeviDellaVida and M.Bonner "Umar" in Encyclopedia of Islam CD-ROM Edition v. 1.0, Koninklijke Brill NV, Leiden, The Netherlands 1999"
- Previte-Orton, C. W (1971). The Shorter Cambridge Medieval History. Cambridge: Cambridge University Press.
Tautan ruar
[pature | pature sumber]- Excerpt from The History of the Khalifahs by Jalal ad-Din as-Suyuti
- Sirah of Amirul Muminin Umar Bin Khattab (r.a.a.) by Shaykh Sayyed Muhammad bin Yahya Al-Husayni Al-Ninowy.