Nicolaus Copernicus
![](http://upload.wikimedia.org/wikipedia/commons/thumb/f/f2/Nikolaus_Kopernikus.jpg/220px-Nikolaus_Kopernikus.jpg)
Niklas Koppernigk (latin: Nicolaus Copernicus; saro Polandia Mikołaj Kopernik; sorang i Toruń, 19 Februari 1473 – maninggal i Frombork, 24 Mei 1543 i umur 70 taon) ima sada astronom, matematikawan, dot ekonom markabangsoan Polandia, na mangembangkon teori heliosentrisme (marpusat i mataniari) Tata Suria i bontuk na jelas, sahinggi teori on marmanfaat tu sains. Ia juo sada kanon gareja, gubernur dot administrator, hakim, astrolog, dot datu. Teorinia satontang Mataniari manjadi pusat Tata Surya, na manjungkirbalikkon teori geosentris tradisional (na patibal Bumi i pusat alam semesta) ianggap manjadi salah satu panomuan na tarponting sapanjang maso, dot marupaon titik mulo fundamental ni astronomi modern dot sains modern (teori on mambaen revolusi ilmiah). Teorinia mampangaruhi bahat aspek hangoluan nialak lainna. Universitas Nicolaus Copernicus i Torun, ipajongjong taon 1945, igorar tu namanghormati ia.