William Faulkner
![](http://upload.wikimedia.org/wikipedia/commons/thumb/6/6d/Carl_Van_Vechten_-_William_Faulkner.jpg/170px-Carl_Van_Vechten_-_William_Faulkner.jpg)
Ur romantour stadunanat e oa William Cuthbert Faulkner (Falkner e wir anv. E 1919 e voe kemmet anv ar skrivagner, "Falkner" a droas da "Faulkner" dre ur vi-koukoug e talbenn e levr kentañ ; pa voe goulennet outañ ha ret e oa reizhañ e respontas « An daou zo mat din. » [1]), ganet d'an 25 a viz Gwengolo 1897 e New Albany (Mississippi) ha marvet d'ar 6 a viz Gouere 1962 e Byhalia (Mississippi).
E dud a oa eus familhoù kozh aet ar stal da fall ganto gant Brezel diabarzh Stadoù-Unanet Amerika.
Lakaet en deus war wel spered e rannvro, "Su don" SUA hag e berzhioù : ar baourentez, ar ouennouriezh hag an amzer o tibunañ war e bouez dindan an heol tomm-skaot. Ur romantour hag ur saver danevelloù difaezus eo bet, hag unan eus ar varrekañ evel ma voe diskouezet pa yeas Priz Nobel al Lennegezh gantañ e 1949.
Buhez
[kemmañ | kemmañ ar vammenn]N'eus ket nemeur a ditour war bugaleaj William Faulkner nemet e oa ganet en ur familh tudjentil, an den illurañ ar c'horonal Falkner, brudet evit e roll e Lu ar C'hengevredad, lu Stadoù Su SUA o stourm evit ma chomfe dezho ar gwir da virout ar sklavelezh evit gounit o douaroù.
Emouestlet e oa er Royal Air Force e Toronto (Kanada), met ne c'hellas ket William yaouank mont da glask ar gloar er Brezel-bed kentañ pa zeuas ar peoc'h e 1918.
E 1919 e lakaas embann ur varzhoneg, L'après-midi d'un faune dindan e anv-pluenn William Faulkner goude ur vi-koukoug.
E-pad 7 vloaz e skrivas barzhonegoù ha skridoù barnerezh lennegel en ur glask brud e Memphis (Tennessee), an tostañ kêr, en Orleañs Nevez, New York ha Pariz.
E 1929 e timezas gant Estelle Oldham ha mont a rejont da chom da Orleañs-Nevez.
E wreg, dizimezet, a oa daou vugel dezhi hag advabañ a reas anezho. Prenañ a reas un ti kaer ante bellum (mod tiez ar berc'hennerien vras en amzer ar sklavelezh), Rowan Oak e anv.
Goude bezañ savet daou romant Soldiers' Pay (1926) ha Mosquitoes (1927) e vagas spi da gaout brasoc'h brud diwar an trede, Sartoris (1929).
Muioc'h a verzh a c'hounezas diwar The Sound and the Fury e 1929 avat, ha muioc'h c'hoazh gant ar romant berr As I Lay Dying (1930).
Oberennoù
[kemmañ | kemmañ ar vammenn]Faltazi
[kemmañ | kemmañ ar vammenn]- Romantoù
|
|
|
- Istorioù berr
|
|
|
- C'hoariva
- 1921 : Marionettes
- 1951 :Requiem for a Nun
- Senariooù
-
- Embannet
- 1932 : Flesh
- 1933 : Today We Live
- 1936 : The Road to Glory • Banjo on My Knee
- 1937 : Slave Ship
- 1939 : Gunga Din • Drums Along the Mohawk
- 1944 : To Have and Have Not
- 1945 : The Southerner • Mildred Pierce
- 1946 : The Big Sleep
- 1955 : Land of the Pharaohs
- Diembann
- 1932 : Night Bird • Manservant • The College Widow • Absolution • Flying in the Mail
- 1933 : War Birds • Louisiana Lou
- 1942 : The De Gaulle Story
- 1943 : Country Lawyer • Battle Cry
- 1945 : Stallion Road
- Dastumadoù barzhoniezh
- 1921 : Vision in Spring
- 1924 : The Marble Faun and A Green Bough
- 1981 : Helen, a Courtship and Mississippi Poems
- Arnodskridoù
- 1953 : A Note On Sherwood Anderson
- 1954 : Mississippi • A Guest's Impression of New England
- 1955 : An Innocent at Rinkside • Kentucky: May: Saturday • On Privacy • Impressions of Japan • To the Youth of Japan
- 1956 : Letter to the Northern Editor • On Fear: Deep South in Labor: Mississippi • A Letter to the Leaders in the Negro Race
- 1961 : Albert Camus
E brezhoneg
[kemmañ | kemmañ ar vammenn]- Ur rozenn evit Emili - Troidigezh gant Yann Talbot (Al Liamm niv. 302/303, Mae-Eost 1997, pp. 300-315)
Levrlennadur
[kemmañ | kemmañ ar vammenn]- (en) Kirk, Robert W. (1965). Faulkner's People: A complete guide and index to the characters and fiction of William Faulkner. Los Angeles : University of California Press, 1965 (ASIN : B0007F1G74)
- (en) Fargnoli, Nicholas A., Golay, Michael & Hamblin, Robert W.. Critical Companion to William Faulkner: A Literary Reference to His Life And Work. New York : Facts on File, 2008 (ISBN 978-0-8160-6432-8)
Notennoù
[kemmañ | kemmañ ar vammenn]- ↑ (en) Nelson, Randy F.. Almanac of American Letters. Los Altos : William Kaufmann, 1981, pp. 63-64 (ISBN 978-0-86576-008-0)
![]() |
Porched al Lennegezh – Gwelit ar pennadoù hag ar rummadoù diwar-benn al lennegezhioù. |