Sumatera
![](http://upload.wikimedia.org/wikipedia/commons/thumb/2/2e/LocationSumatra.svg/250px-LocationSumatra.svg.png)
![](http://upload.wikimedia.org/wikipedia/commons/thumb/d/d4/Sumatra_pol_2002.jpg/250px-Sumatra_pol_2002.jpg)
![](http://upload.wikimedia.org/wikipedia/commons/thumb/1/18/Lake-toba.jpg/220px-Lake-toba.jpg)
Sumatera, pe Sumatra[1], zo unan eus inizi Indonezia. Ar c'hwec'hvet enezenn vrasañ er bed eo Sumatera, gant 470 000 km².
Un enez hir eo, en em astenn eus ar gwalarn d'ar gevred, ha tremen a ra ar c'heder drezi. Menezioù uhelik zo en enez, nemet er reter anezhi. Er gevred emañ Jawa, rannet diouzh Sumatera gant strizh-mor Sunda. En hanternoz emañ Ledenez Malaya, en tu all da strizh-mor Malaka. Er reter emañ enez Borneo.
Ul lodenn vat eus ar c'hoadegi trovanel a c'holoe Sumatera gwechall zo bet diskaret. Kement-se a laka en arvar spesadoù loened dibar evel orangoutan Sumatra, tigr Sumatra pe frikorneg Sumatra, kenkoulz ha spesadoù plant zo.
Rannet eo an enez, hag an enezennoùigoù zo tro-dro, e nav froviñs :
- Aceh
- Bangka-Belitung
- Bengkulu
- Jambi
- Lampung
- Riau
- Sumatera Barat (Kornôg Sumatera)
- Sumatera Selatan (Su Sumatera)
- Sumatera Utara (Norzh Sumatera)
En Aceh, lodenn gornôk Sumatera, ez eus un emsav a stourm evit dieubidigezh ar broviñs diouzh Indonezia, met paouezet eo ar stourm armet bremañ.
N'eo ket ken poblet Sumatera ha Jawa, pa n'eus nemet 45 milion a dud en enez. Medan ha Palembang eo ar c'hêrioù pennañ. Muzulmiz eo an darn vrasañ eus an dud, daoust ma'z eus un toullad kristenien ivez e Sumatera Utara.