Poatev
![](http://upload.wikimedia.org/wikipedia/commons/thumb/4/48/Poitou_in_France_%281789%29.svg/250px-Poitou_in_France_%281789%29.svg.png)
![](http://upload.wikimedia.org/wikipedia/commons/thumb/5/51/Bas-Poitou_dans_le_Poitou.png/220px-Bas-Poitou_dans_le_Poitou.png)
Poatev (Poitou e galleg, ha Poetou e poateveg) a zo unan eus ar broioù kozh a yeas d'ober Bro-C'hall, e kornaoueg ar vro, hag er gevred da Vreizh. Ur vro dizalc'h eo bet e-pad mare he c'honted. N'eus ket anv eus Bro-Boatev hec'h-unan ken ent-ofisiel. Ur rannvro c'hall a veze graet Poitou-Charentes anezhi zo bet betek ar bloaz 2014, pa voe staget ouzh Rannvro Aquitaine.
Kaoz a vez a-wechoù eus Poatev-Izel, er c'hornôg, hag a glot dre vras gant an Departamant Vendée, ha Poatev-Uhel, er reter.
Eus ar proviñs d'an departamantoù
[kemmañ | kemmañ ar vammenn]Rannet eo bet Poatev etre meur zepartamant e 1790. Ar pep brasañ a zo aet d'ober departamantoù ar Vañde, an Deux-Sèvres hag ar Vienne, met darnoù a gaver ivez er Charente, ar Charente-Maritime, an Indre ha betek an Haute-Vienne. Un nebeud kumunioù en em gav ivez er Maine-et-Loire, hag unan eus kumunioù Marzioù dispartiañ Breizh ha Poatev ma oa an tu-kreñv gant Poatev a zo en em gavet e departamant al Liger-Atlantel (Ruvelieg).
![](http://upload.wikimedia.org/wikipedia/commons/thumb/1/10/Carte_du_Poitou.svg/450px-Carte_du_Poitou.svg.png)
Loened
[kemmañ | kemmañ ar vammenn]Brudet eo ezen Poatev, pe gentoc'h ar ouenn a vez graet “baudet du Poitou” anezhi.