Mimar Sinan
![](http://upload.wikimedia.org/wikipedia/commons/9/9e/Mimar_Sinan%2C_architecte_de_Soliman_le_Magnifique.jpg)
Mimar Sinan (turkeg otomanek : قوجه معمار سنان آغا), ganet e 1489 pe 1490 ha marvet e 1588, a oa un tisavour otoman a labouras dindan ren tri sultan : Süleyman Iañ, Selim II ha Murat III.
Buhez
[kemmañ | kemmañ ar vammenn]Mimar ("tisavour" e turkeg) Sinan a voe ganet e-kichen Kayseri en ur familh kristen. Asambles gant paotred yaouank all e voe dibabet en abeg d'e varregezhioù ha kaset da oaled ar Janisered diwar urzh Selim I e 1512.
En Enderun e tiorroas e ouiziegezh war arz ar c'halvezerezh.
Daou vloaz goude e kemeras perzh e beajoù ar sultan ha studiañ evel-se ar savadurioù hag an disavouriezh e meur a vro, eus Iran betek ar Balkanioù. E-kerzh ar beajoù-se e krogas da ziskouez e varregezh dre sevel pontoù.
Mervel a reas e 1588 ha beziete voe e-kichen moskeenn Süleymaniye.
Oberennoù
[kemmañ | kemmañ ar vammenn]Er XVIvet kantved e vevas Mimar Sinan, ur c'hantved skedus en Impalaeriezh otoman. Dre ma vevas tost da 100 vloaz e labouras dindan ren tri sultan.
Renablet ez eus bet 477 savadur pe savet pe dreset gantañ. En o zouez, ouzhpenn 300 zo en Istanbul pe en trowardroioù.
-
Moskeenn Süleymaniye
-
Pont Drina
Levrlennadur
[kemmañ | kemmañ ar vammenn]- (tr) Üç padişahın mimarı : Mimar Sinan – Yedikıta, niv. 9, miz Mae 2009.