Kalliope
Neuz
![](http://upload.wikimedia.org/wikipedia/commons/thumb/6/6b/Studiolo_di_belfiore%2C_calliope_di_cosm%C3%A8_tura%2C_national_gallery_di_londra.jpg/220px-Studiolo_di_belfiore%2C_calliope_di_cosm%C3%A8_tura%2C_national_gallery_di_londra.jpg)
Kalliope (Καλλιόπη / Kalliópê, « mouezh kaer » e gregach) a oa merc'h da Zeus ha Mnemosyne, hag ar goshañ ha furañ eus an teir muzenn. Muzenn ar varzhoniezh veurganek hag an helavarded e oa Kalliope, ha hi an hini a roe an awen da Homeros pa savas an Ilias hag an Odysseia.
Mojenn
[kemmañ | kemmañ ar vammenn]Daou vab he doe: Orfeüs ha Linos, pe gant an doue Apollon, pe gant Oiagros, roue Trakia.
Barnerez e voe en tabut a voe etre Afrodite ha Persefone diwar-benn Adonis.
Livet e vez evel ur plac'h meurdezus he neuz-dremm hag ur gurunenn aour war he fenn. Hervez Hesiodos e tiskouez homañ he renk e-touez ar muzezed arall. Gant garlantezioù eo-hi fichet. Ur drompilh a vez ganti en un dorn hag ur meurgan en egile.
![](http://upload.wikimedia.org/wikipedia/commons/thumb/d/d7/Calliope.jpg/250px-Calliope.jpg)