Hagai
Neuz
![](http://upload.wikimedia.org/wikipedia/commons/thumb/6/6b/Nuremberg_chronicles_f_64v_3.png/220px-Nuremberg_chronicles_f_64v_3.png)
Hagai[1] pe Haggai pe Agge[2](en hebraeg: חַגַּי, e gresianeg: Ἀγγαῖος; e latin: Aggaeus), a oa ur profed yuzev eus mare savidigezh Eil Templ Jeruzalem. Talvezout a rafe e anv kement ha "ma devezh santel".
Unan eus daouzek profed bihan an Tanac'h e oa (Levr Hagai). An hini kentañ eus an tri frofed goude harlu pobl Yehouda da Vabilon e voe, gant Zec'haria, kempred gantañ, ha Malac'hi a vevas ur c'hantved bennak war e lerc'h.
Prezegenniñ a reas war-dro ar bloavezh 520 kent JK dindan Zeroubavel, gouarnour Rouantelezh Yehouda, dindan roue Persia, Darius Iañ, evit broudañ e genvroiz da sevel buanoc'h an Templ. Kavout a reer meneg eus Hagai ha Zec'haria e Levr Ezra (5, 1).
Daveoù
[kemmañ | kemmañ ar vammenn]- ↑ Troidigezh an Tour-Tan,levrenn 3, 1983, p 248
- ↑ Troidigezh Gwilh ar C'hoad, 1987, p815