Beleg

religious occupation
Iskevrennad eus	kloareg
Honorific prefix	Reverend, Rabbi
Tachenn vicherel	priesthood, pagan priesthood
ISCO-08 occupation class	2636
ISCO-88 occupation class	2460

Evit implijoù all, gwelet Beleg (disheñvelout).

Ur beleg (beleien el liester) a zo un den karget da aozañ ha seveniñ al lidoù en ur relijion.

Lidoù ispisial evit lakaat unan bennak da vezañ beleg a vez sevenet gant ur beleg uheloc'h e live.

Beleien

E pep relijion e kaver anvioù dibar evit ar veleien :

boñz : relijion ar Voudaegezh
drouiz : relijion ar Gelted
chaman : relijionoù tud Azia hag Indianed Norzhamerika (bet deuet eus Azia)
imam : relijion an Islam sunnit (ne vez ket graet lidoù evito)
mollah : relijion ar Vuzulmiz chiit
maraboud : relijionoù Kreiz Afrika
pastor : relijionoù protestant; Implijet ivez gant ar gatoliked gant ar ster "rener eneoù" da lavaret eo ar veleien hag an eskibien
pop : relijion reizhkredennour (ortodoksiezh)

Koulskoude pa c'haller implij ar ger en un doare hollek, evit ar ster beleg ar relijion katolik e vez implijet e skridoù brezhonek hag er Wikipedia end-eeun.

Gerdarzh ha stummoù kozh ar ger

Ar ger beleg a zo kar d'ar gerioù iwerzhoneg bachall, krenngembraeg baglawg (kembraeg modern : baglogha latin baculus. Hemañ ha bachall a dalvez evit bazh hag ar re all a zo evit bazh kamm pe grogek, da lavaret eo bazh ar mesaer hag a zo arouez an eskibien (bazh-eskob). Keñveriet e vez ivez ar veleien gristen d'ar vesaerien (diwar komzoù Jezuz-Krist treuskrivet en avieloù).
N'eus liamm ebet etre an doueoù Bel pe vBelenos evel m'hen krede Kervarker.
Er C'hatholicon e weler ar stummoù kentañ anavezet : baeleuc, bealeuc hag ur stumm benel baelegues (a dalvez evit leanez pa n'eus ket a vaouez degemeret e roll ar beleg en Iliz katolik roman). Meur a familh a zo e anv Bellec, Le Bellec ha kavet e vez bellec ivez evel lodenn anvioù-lec'h 'zo.

Beleg kristen

Kavet e vez beleien damheñvel o roll er relijionoù katolik ha reizhkredennour, nemet e vez difennet da veleien gatolik mont da zimeziñ. Roet e vez dezho ar gwir da lidañ ar seizh sakramant a zo bet tennet eus oberoù Jezuz-Krist kontet en Avieloù.
Daoust ma 'z eus tud a Iliz gant ul live izeloc'h (diagoned, isdiagoned, akolited) eo ar beleg an den pouezusañ e framm an ilizoù kristen nann-protestant.
Daou seurt a velein a zo : ar re a zo dindan beli eeun an eskibien hag ar re a zo dindan beli penn un urzh relijiel, hemañ dindan beli an eskob pe hini ar pab (ar Jezuisted).

Breizh

Ur beleg-plouz, a veze lavaret eus ar veleien touerien e-pad an Dispac'h gall

Stummadur ar beleg kristen

Stummet e vez ar veleien er c'hloerdi (beleien o labourat er parrezioù peurvuiañ) pe en novistiez (beleien staget ouzh un urzh relijiel).