সম্রাট অশোক
![](http://upload.wikimedia.org/wikipedia/commons/thumb/3/3e/Mauryan_Empire_260_BCE.png/220px-Mauryan_Empire_260_BCE.png)
সম্রাট অশোকরে ভারতর সর্বশ্রেষ্ঠ রাজাগো বুলিয়া মাততারা। গিরকর জরম ৩০৪ খ্রীষ্টপূর্বত, বারো শাসনকাল ২৯৮-২৭২ খ্রীষ্টপূর্ব। রাজা বিন্দুসারর খানি তলর থাকর রাণী ধর্মার পুতকগো অশোক। তবে এহানলো ইতিহাসবিদরমা মতভেদ দেহিয়ার। বুদ্ধিলৌশিঙ বারো সাহসহান জবর বুলিয়া তা মৌর্য সেনাবাহিনীর ডাঙর পদফামে বারো সেনাবাহিনীর ডাঙর টুপআহানর মাককেগো অয়া আসিল। অশোকর বলিপাঙকাল দেহিয়া বাকী বেয়কউতা ঈর্ষান্বিত অইলা। জেঠা বেয়ক সুসীমর ব্যার্থতারকা তক্ষশীলাত বিদ্রোহ দেহাদিলে অশোকরে অপেই বিদ্রোহে দমনে দিয়াপেঠেইলা। অশোক ফৌয়লিগা খবরএহান পেয়া সেনাবাহিনী উজ্জবিত অইলা, পিসে বিদ্রোহী সেনারা অতাউ তার অহানদে অলইলা। এসাদে বিনাযুদ্ধে অশোক বিদ্রোহ দমন করেছিল।
অশোকর রাজ্য দখল
[পতিক]রাজা বিন্দুসারর নুয়ারার পৌ নিকুলিল সময় উহানাৎ অশোক মগধর বারে আসিল। এগদে বিন্দুসারর পুতকলকেয়ে সিংহাসনর দখলহান নিয়া কৌলিখান্না করানি অকরলা। অশোক আয়া তার বেয়কলকেই হাবিরে মারিয়া সিংহাসনহান দখল করেসিল। রাজাগো অনার পিসে অশোক সাম্রাজ্যহান যাঙর করানিত গৈ লাগিল। তা মুঙেদে এবাকার অসম বারো বাংলাদেশ, পিছেদে ইরান বারো আফগানিস্তান, ঔয়াঙেদে পামীর গ্রন্থিত্ত প্রায় পুরা খাবারার ভারতহান নিজর সাম্রাজ্যত বরাসিল। এতার পিসে অশোক কলিঙ্গ দখল করানিত লামিল। খ্রীষ্টপূর্ব ২৬১ (মতান্তরে খ্রীষ্টপূর্ব ২৬৩) অব্দত দয়া নদীর পাড়ে ধৌলি টেঙারার কাদাৎ রক্তক্ষয়ী যুদ্ধ অইল। দিয়দাপার আবকচা মানু হতাহত অইলা বারো অশোকে কলিঙ্গজয় করলো। যুদ্ধ এহাৎ কলিঙ্গবাহিনীর ১,০০,০০০ সেনা বারো মৌর্য সেনাবাহিনীর ১০,০০০ সেনা মরলা বারো লিশিং লিশিং মানু বিকলাঙ্গ অইলা ।
বৌদ্ধধর্মর প্রচারে অশোক
[পতিক]কলিঙ্গযুদ্ধর বীভত্সতা সম্রাট অশোকরে বিষাদগ্রস্থ করেবেল্ল। তা যুদ্ধ কৌলি খান্না হাবি বেলতই বুলিয়া মনস্থির করিয়া বৌদ্ধধর্ম গ্রহন কররো বারো অহিংসার পথহানদে সাম্রাজ্যহাজ চালানির নীতি লাক্করলো।
এতার পিসে অশোক গিরকে দেশে বারো বিদেশে বৌদ্ধধর্ম প্রচার করানিৎ উদ্যোগী অইল। এহার কাজে তা বিভিন্ন লয়াত তার প্রতিনিধি দিয়াপেঠেইল। তাঁর পুতক মহেন্দ্র বারো জিলক সংঘমিত্রারে বৌদ্ধধর্ম প্রচাররকা শ্রীলংকা দিযা পেঠেইলো। এতাবাদে গিরকে কাশ্মীর, গান্ধার, ভানাভাসী, কোংকন, মহারাষ্ট্র, ব্যাকট্রিয়, নেপাল, থাইল্যান্ড, ব্রহ্মদেশ, লাক্ষাদ্বীপ প্রভৃতি লয়াত বৌদ্ধধর্ম প্রচার করেসিল।
মৌর্য্য সাম্রাজ্যর পতন
[পতিক]২৩৬ খ্রীষ্টপূর্বাব্দে সম্রাট অশোক দৌ অইল। তার দৌ অনির পিসে উত্তরাধিকারীরা অউতায় সাম্রাজ্য চালেইতে তার দেখি দক্ষতার পরিচয় দেনা নারেসি। তাপ্প তাপ্প মৌর্য্য সাম্রাজ্য মিমুত অনার পথে আগুয়িল।
মৌর্য্য সাম্রাজ্যর পতনর কারণ অউতারো ঐতিহাসিকরমা মতভেদ আছে। কুনোগই মাততারা মৌর্য্য সম্রাটউতার 'ধর্মবিজয়'-এহারকা দায়ী । অহিংস নীতিরকা তারা সাম্রাজ্যর কোনা কোনসেলে বিদ্রোহউতা দমন করানিৎ ব্যর্থ অসি। নানান বৌদ্ধধর্মকেন্দ্রিক বিষযলো দান দক্ষিনা করিয়া সাম্রাজ্যের অর্থর বারনগো হুদা করে বেলাসিলা। এতাবাদে এমাটিত ডাঙর সাম্রাজ্যআহান পরিচালনার ক্ষমতাও তানুরাং নেয়সিল। বরং নিজরতার মধ্যে কোন্দল বারো খেইপা খেইপি জবর অসিল আরো সাম্রাজ্যহান দুর্বল ইয়া পড়িসিলগা।