তাজ মহল
![](http://upload.wikimedia.org/wikipedia/commons/thumb/6/6e/Taj_Mahal_2%2C_Agra%2C_India.jpg/350px-Taj_Mahal_2%2C_Agra%2C_India.jpg)
তাজ মহল (হিন্দী: ताज महल, উর্দু: تاج محل) ভারতর আগ্রাত অবস্থিত রাজকীয় সমাধিগো। মুঘল সম্রাট শাহজাহান তার গর-গিথানক আরজুমান্দ বানু বেগম যেগো মুমতাজ মহল বুলিয়া নাঙকাসে তেইর স্মৃতিহান জিংতা করিয়া থনার সালে এরে আচানক হবা সৌধএগো হঙকরেসে। সৌধ এগোর হঙকরানির অকরাগো ১৬৩২ খ্রিস্টাব্দৎ বারো লমইলতা ১৬৪৮ খ্রিস্টাব্দৎ। সৌধটি এগোর নকশাহান কুঙগই করেছিলআ এহানলো নানান মত পেয়ার, কিন্তুমান এহান পরিষ্কার যে নিয়াম মারামক নকশাকারক বারো কারিগর দাপা আহানে সৌধএগো ইঙকরেসিলা যেতা উস্তাদ আহমেদ লাহুরী হুলিয়া গিরক আগোর লগে আসিলা, অহানে তাজ মহলর মূল নকশাকারকগোর নাঙহানি আঙকরলে গিরক এগোর ণঞহান আগে লনা লাগের।[১]
তাজ মহল এগো (কুনো কুনো সমেয়ত হুদ্দ তাজ বুলিয়াও মাততারা) মুঘল স্থাপত্যশৈলীর নিয়াম আকর্ষণীয় নিদর্শন আহান বুলিয়া মাতানি অর, যেপেইত পারস্য, তুর্কী, ভারতীয় বারো ইসলামী স্থাপত্যেশিল্প হাবিতার তিল্পা রূপ আহান দেহিয়ার। দলা মার্বেলর গোম্বুজাকৃতি রাজকীয় সমাধী উগোই হাবিয়ে চুনা পেইলেও তাজমহল এগো হুত্তুমে সামগ্রিকভাবে অখন্ড স্থাপত্যকর্ম আহান। এগো ১৯৮৩ সালে ইউনেস্কো বিশ্ব ঐতিহ্যবাহী স্থানর পারেঙহাত কাহেসিল। উহাত এগোরে মাতলাতা "Universally Admired Masterpiece of the World's Heritage।"[১]
হঙকরানির পিসেদের য়ারি
[পতিক]![](http://upload.wikimedia.org/wikipedia/commons/thumb/0/0e/Shahjahan.jpg/140px-Shahjahan.jpg)
১৬৩১ খ্রিস্টাব্দৎ শাহজাহান বুলিয়া মুঘল আমলর নুঙেইপা রাজা আগ আসিল। গিরকর দ্বিতীয় গর-গিথানক মুমতাজ মহল দৌ অনার পিসে তা জবরে মানসিকভাবে বাগিয়া পড়পরিসিলগা। মুমতাজ মহল উবাকা তানুর চতুর্দশ নিঙলপীগো গৌহর বেগম গিথানকর জরম দিতেগা মৃত্যুবরণ করেসিলি[২]।
তাজ মহলর হঙকরানির কামহান মুমতাজ গিথানক দৌ অনার লগে লগেই অকরেসিলা। মূল সমাধিউগো লমইলতা ১৬৪৮ খ্রিস্টাব্দৎ বারো এগোর চারিয়বেদে দালান বারো বাগানউতা হঙকরতে আরতাউ পাঁচ বছরর চুয়া লাগিল। ১৬৬৩ খ্রিস্টাব্দৎ আগ্রা ভ্রমন করানির সমেয়ত ফরাসি পর্যটক ফ্রান্সিস বেরনিয়ার (François Bernier) গিরকে ইকরেসিলতা: "দুগো খাং লাগানির মাতিক সমাধির বিবরণ দিয়া মি চিঠি এহান লয়করতউ যেতায় আগ্রা এহানরে দিল্লীত্ত-উরি ডাঙর করেছে। আগো হঙকরিসেতাই সম্রাট জাহাঙ্গীর গিরকে তার বাপক আকবরর সম্মানে, আরাক আগ বারো সম্রাট শাহজাহান তার গর-গিথানকর নিঙে হঙকরেসে "তাজ মহল", যেগো আচানক হবা অসে, হেয়কে তার মইলকর শোকে এমাতিক দুঃখ পাসে যে মইলকে আগে যেসাদে তার লগে আসিলি, মরানির পিসেউ উসাদে তার কবরগর কাদাত থায়তই"। [৩].
নকশা
[পতিক]তাজ মহলগো হঙকরেসিতা বিভিন্ন ঐতিহ্যবাহী নকশার গজে, বিশেষ করিয়া পারস্য বারো মুঘল স্থাপত্যর মাতুং ইলয়া। লেপ্পা কতহান নকশা তিমুর সাম্রাজ্য বারো মুঘল স্থাপত্যর ইমারতর লগে হুবুহু মিলের। যেতারমা তিমুরর গুর-ই-আমির, সমরখন্দত মুঘল সাম্রাজ্যের পূর্বসূরী,[৪] হুমায়ূনর মাজার, ইমাদ-উদ-দৌলার মাজার (যেগোরে শৌ তাজমহল বুলিয়াঅ মাততারা), বারো দিল্লীত শাহজাহানর নিজর হঙকরা দিল্লী জামে মসজিদ। গিরকর পৃষ্ঠপোষকতালো, মুঘল ইমারত বার হবাকরে হঙকরানির নুয়া থাজ আহাত কাইলগা।[৫] যেপেই আগর মুঘল ইমারতউতা হোংঅকরেসিলাতা রাঙা বেলে পাথরলো, শাহজাহান গিরকে উতা পটা দামী মার্বেল পাথরর চল করেসিল।
বারিহান
[পতিক]তাজমহলর মুঙেদে ডাঙর চারবাগ (চার অংশে খেইকরানি) করানি অসিল। ৩০০ মিটার X ৩০০ মিটার বিহাত চারি ভাগর একভাগ উচপা পথআহান করিয়া ভাগউতাত বারো ১৬হান ফুলর বারি করেসিলা। মাজারর অংশ, দুয়ারহার বুকগর অংশ বারো বারিহার হম্বুকগত উচকরিয়া মার্বেল পাথরর পানির টেংকি আগো বহাসিলা বারো খা বারাদে ডিগল টেংকি আগো আছে যেগত তাজ মহলগোর প্রতিফলন দেহানি য়াকরের। এতাবাদে বারিএহাত আরতাউ নানান রুকরসবা, পথ বারো ইনদারা কতগো আসে।[৬]
চারবাগ বারিএহান ভারতে পয়লা করেছিলতা প্রথম মুঘল সম্রাট বাবর গিরকে, যেহান পারস্যর নাঙজাদা বাগানউহার সাদে নকশা করান অসিল। চারবাগ মানে অইলতা যেহাত স্বর্গর বাগানহারর প্রতিফলন অর। মুঘল আমলর ইকরাত ফারসি মরমিবাদী আগই স্বর্গর বারিহার বর্ণনা দেসিলতা আদর্শ বাগানহান বুলিয়া, যেহাত হাবিকা থায়তই। অউ ইকরা এহান বারে বারে পানির কথাহান আহেসেঃ উহাত ইকরেসিতা, স্বর্গর বাগানহার বুকগত তেঙারা আগত্ত গাট চারিহান নিকুলেসে, অহাত্ত উতা হাবি ভাগ অসেগাতা বাগানহার অয়াং, খা, মুঙ বারো পিছ বারাদে।
![](http://upload.wikimedia.org/wikipedia/commons/thumb/f/f5/TajGardenWide.jpg/200px-TajGardenWide.jpg)
প্রায় হাবি মুঘল চারবাগ চতুর্ভুজাকৃতির, যেপেইত বাগানহার বুকগত মাজার বা শিবির আগো থার। কিন্তু তাজ মহল এগো এতা হাবিত্ত আলাদা অসে কিয়াবুল্লে এগোর মাজার অংশএগো বাগানহার বুকগত নায়া কাদাআগদে অসে। কিন্তু যমুনা নদীহার হেরো বারাউহান নুয়াকরে করিসি মাহতাব বাগ আরাজ তথ্য আহান দের, স্বর্গর নদীহান বুলিয়া অর্থবহ করানির কাজে যমুনা নদীএহানরে বাগানহার নকশাক তিল্করেসিলা।
বারি এহার বিন্যাস বারো এহার স্থাপত্যের বৈশিষ্ট যেমন ঝর্না, চেক বা মার্বেলর সড়ক বারো জ্যামিতিক চেকর ফুলফাম এতা হুবুহু সালিমারর সাদে বারো এহার নক্সাহান করেছেগো প্রকৌশলী, আলি মারদান গিরক।
পিসে পিসেদে বাগানহার আতর, ডেফোডিল, বিভিন্ন ফলর সপা বারো আর আর গাসরজার কথা হুনিয়ার়। মুঘল সম্রাট উতার উত্তরোত্তর অবক্ষয়র লগে লগে বাগানরতাউ অবক্ষয় অনা অকরলো। ইংরেজ শাসনামলে তাজ মহলর তালাবি করানির দ্বায়িত্ব ইংরেজে নিলাগা, তানু প্রাকৃতিক ভূ-দৃশ্য এহানরে সিলকরিয়া নুয়া করে লন্ডনর আনুষ্ঠানিক বাগানউহার অসাদে হংকরলা।
আর আর ইমারত
[পতিক]![](http://upload.wikimedia.org/wikipedia/commons/thumb/3/34/Entrance_fort.jpg/200px-Entrance_fort.jpg)
তাজ মহলগো উঠানহান বেলে পাথরর দূর্গর সাদে ওয়ালনো তিনো দিকেত্ত বেরাসে। গাতহার বারাদের ওয়াল নেই। এরে ওয়াল এগোর বারেদে আরতাও সমাধি আসে যেতারমা শাহজাহানের হেরো মইলকলকেই উতার সমাধি বারোমুমতাজ গিথানকর চাকরি জেলা উতার ডাঙর সমাধি আগো আসে। স্থাপত্য এতা প্রধানত রাঙা বেলে পাথরলো হঙকরা, চেইতে সময় উহার হুরুকাং মুঘল সাদে।
বিতরর ওয়ালউতা স্তম্ব বারো সিলিং আসে যেতা সাধারণত হিন্দু মন্দিরে দেহিয়ার যেতা পিসে মুঘল মসজিদর নকশাত বরানি অসিল। ওয়াল উতা বিচিত্র গোম্বুজাকৃতির ইমারতলো সামকরেসি যেহাত্ত চেইলে বাক্ক জাগা আহান আহির নজরে আহের, উতা পর্যবেক্ষণ চৌকি হিসেবে ব্যবহার করলা, এহাকা উতা জাদুঘরগো হিসেবে ব্যবহার করতারা।
তাজ মহলগৎ হমানির মুল দুয়ার অহানউ হঙকরেসিতা মার্বেল পাথরলো। দুয়ার এহার নকশা বারো অঙতাহান চেইলে মুঘল স্থাপত্যর কথা মনে আহের়। এহার খিলানউতা চেইতে হুবুহু সমাধির খিলানর সাদে বারো এহার পিস্তাক খিলান সমাধির ক্যালিগ্রাফি বা চারুলিপির নকশার লগে মিলকরিয়া করেসি। এহার সিলিংহাত আর আর বেলে পাথরর ইমারতর অসাদে চুনাপা জ্যামিতিক আকৃতি নানান নকশা করেসি।
![](http://upload.wikimedia.org/wikipedia/commons/thumb/9/9b/TajInteriorJawab.jpg/100px-TajInteriorJawab.jpg)
উঠানহার লমনির ফামউহাত বেলেপাথরলো হঙকরা দুগো ডাঙর ইমারত আসে যেতার সমাধিগোর বারার অংশউহান আঙয়া আসে। এতার পিছদের ভাগউহান মুঙ বারো পিছ বারার ওয়ালগর লগে সমান্তরাল।
![](http://upload.wikimedia.org/wikipedia/commons/thumb/6/6d/Taj_Mahal_Mosque_2%2C_Agra%2C_India.jpg/200px-Taj_Mahal_Mosque_2%2C_Agra%2C_India.jpg)
ইমারত দিয়গি চেইতে একদম মান্না। মুঙবারার ইমারত উগো মসজিদগো, হেরো উগো বারো জাওয়াব (উত্তর), যেগো ভারসাম্য কালকরিয়া থনিরকা হঙকরেসি ( মুঘল আমলে অতিথ কিতা আহিলে থানিরকা ব্যবহার করলা)। জাওয়াব এগো তঙাল , এগরতা হুদ্দা মেহরাম নেই, অহাত্তবারো এহার মাটিহাত নকশা করেসি যেপেই 'মসজিদগর মাটিহান কাল পাথর লো দাগ কাপেসি ৫৬৯গো মুসল্লির নামাজরকা ।
মসজিদ এগোর প্রাথমিক নকশাহান শাহজাহান গিরকর হঙকরা আর ইমারতর লগে মান্না, বিশেষ করিয়া তার মসজিদ-ই-জাহান্নুমা বা দিল্লী জামে মসজিদ- ডাঙর গর আগর গজে তিনগো গম্বুজ - এসাদে। মুঘল আমলর মসজিদউতাত নামাজ পড়ানির জাগাহান তিনভাগে ভাগ করলাঃ ডাঙর বড় নামাজ পড়ানির জাগা, বারো এগর দিয়বারাদে খানি হুরকাং নামাজ পড়ানির জাগা। তাজ মহলগোর নামাজ পড়ানির জাগা উতা হাবির গজে নিয়াম ডাঙর গম্বুজ পেয়াত কিন্তুমান জাগা এহান উদুংদুয়া।
ইমারত এগোর হঙকরানির কাম লমইলতা ১৬৪৩ খ্রিস্টাব্দৎ।
সমাধি
[পতিক]ভিত্তিহান
[পতিক]![](http://upload.wikimedia.org/wikipedia/commons/thumb/3/3d/Taj_floorplan.svg/120px-Taj_floorplan.svg.png)
![](http://upload.wikimedia.org/wikipedia/commons/thumb/e/eb/TajEntryArch.jpg/170px-TajEntryArch.jpg)
দলা মার্বেল পাথরর সমাধি উগই তাজ মহলগোর মূলগো যেগো আর মুঘল সমাধির সাদে পারস্যদেশীয় বৈশিষ্ট, যেমন আইওয়ানগোর লগে ইমারত, ধনুকহার দেহি দুয়ার, গজে ডাঙর ডাঙর গম্বুজ । সমাধি এগো বর্গাকার বেদি আগোর গজে উহা অয়া আছে। ভিত্তি কাঠামো উহানউ চাংখল বারো সাঙ কতগো আসে। হাবিত্ডাঙর সাঙ উগত মুমতাজ মহল বারো শাহজাহানর স্মৃতিফলক বহাসি, তানুর কবরগো বারো থাংনার থাকে।
ভিত্তি এগো হুত্তুমে ঘনক্ষেত্র আগো যেগর কোণগি বাগা, হাবিবারাদে লামসাম ৫৫ মিটার (বাতেদে ছবি উগো চেইক)। দিগল বারা উহানদে ডাঙর পিস্তাক আগো, বা ডাঙর ধনুকহার সাদে পথআহান, আইওয়ানর কাঠামোহান, লগে গজহাত ধনুকহার দেকি মাংকল আহান। এরে ঠংচিল এগ দিগল ইয়া গজে ইমারতগর সিলিংহার লগে তিলয়া মুঙবারা নিকালাসে। হেরো বারা উহানদে, বাড়তি পিস্তালউতা গজে পিছেদের বারাদে গেছেগা, পিস্তাকর এই বৈশিষ্ট এহান কোণাগদেউ ব্যবহার করানি অসে। নকশা এহান পুল্লাপ প্রতিসম অসে বারো ইমারতগর দিকহানি হাবি চেইতে মান্না অসে। চারিগো মিনার আসে, ভিত্তিহার কোণাগিদে আকেইগো করয়া মিনার, বাগা কোণাগ বারাদে মুখাহান দিয়া। [[ছবি:tajeve1.jpg|থাম্ব|300px|ডান|রাতিকা তাজমহলগোর প্রতিসাম্যতা বারো সাদৃশ্য দেহুয়ানি অসে]
গম্বুজ
[পতিক]![](http://upload.wikimedia.org/wikipedia/commons/thumb/3/32/Taj_Mahal_after_sunset_2%2C_Agra%2C_India.jpg/200px-Taj_Mahal_after_sunset_2%2C_Agra%2C_India.jpg)
সমাধিগর গজে মার্বেল পাথরর গম্বুজ উগ হাবিত্ত আকর্ষনীয় বৈশিষ্টহান। এগর আকারহাব ইমারতগর ভিত্তিহার লগে মান্না , লামসাম ৩৫ মিটার। উচসে কারণহান অইলতা গম্বুজএগো ৭ মিটার উচ্চতার সিলিন্ডার আকৃতির ড্রাম আগর গজে বহাদেসি।
আকৃতিহার কারণে, গম্বুজ এগোরে কুনো কুনো সমেইত পিয়স গম্বুজ বা পংতল গম্বুজ বুলিয়াও মাততারা। গম্বুজগর গজর বারাউহান হাজাসিতা থাম্পাল ফুল আগোলো, যেগো চেইতে নিয়াম হবা লাগের। গম্বুজগর গজে পুরানা তামা বা কাসার দন্ড আগো দেহিয়ার যেগো পারস্যদেশীয় বারো হিন্দু ঐতিহ্যবাহী আল্পনা করেসি।
![](http://upload.wikimedia.org/wikipedia/commons/thumb/7/77/TajFinial.jpg/70px-TajFinial.jpg)
ডাঙর গম্বুজ উগোর গুরুত্বর কারণহান অইলতা এগর চারিয়কোণাদে আরতাউ চারিগো হুরুকাং গম্বুজ আছে। হুরুকাং গম্বুজ উতা চেইতে ডাঙর গম্বুজগ পারা। এতার স্তম্ভউতা সমাধিগর ভিত্তিহাত্ত সিলিংহান পেয়া কাহেসে। হুরুকাং গম্বুজ উতাতউ কাসা বা তামার পুরানা দন্ড আছে।
দিগল ইয়া চূড়া বা গুলদাস্তা ওয়ালগর কাদাহানদে গজেদে কাহিয়া গেসেগা উতা গম্বুজগদে চেইলে হারপেয়ার।
থাম্পাল গম্বুজ গুলদাস্তা দিয়হাতউ আছে।
চূড়া
[পতিক]ডাঙর গম্বুজ উগর গজে মুকুটগর দেকি পুরানা চূড়া আগো আছে। চূড়া এগো ১৮০০ শতকর আগে হুনালো হংকরেসিলা, কিন্তু বর্তমানে এগো ব্রোঞ্জলো হংকরেসি। চূড়া এগো পারস্য দেশীয় বারো হিন্দুদের শোভাবর্ধক উপাদানর তিলনির উৎকৃষ্ট উদাহরণ আহান। চূড়াগর গজবারাদে জোনাক আগো আসে (যেহান ইসলামিক উপাদান আহান) বারো চূড়াগর হিংগি অলকরিয়া থসিতা স্বর্গ বা বেহেস্তর উহানদে। ডাঙর গম্বুজ উগর গজর চূড়াগত জোনাকহান বারো হিংগি তিলয়া মাহাদেপর ত্রিসুললোর সাদে আকার আহান দরেসে।
মিনার
[পতিক]মিনার উতার মূল বেদিকার কোণা উতাত চারিহান চকি (লেপহান ৪০ মিটার) আছে। মিনার উতা চেইলেউ তাজ মহলগর প্রতিসমতা হারপানি য়াকরের।
চকি উতা নকশা করেসিতা মসজিদের প্রথাগত মিনারর নকশালো, যেপেই মুয়াজ্জিনগই নামাজরকা আযান দের। মিনার হাবিগির দুহান মাংকলনো তিনহান মান্না লেপ্লো খেইকরানি অসে। মিনারর একদম গজে লমলির মাংকলহান, যেগর গজে সমাধিগর পে-উতার সাদে আরাক পে-আহান দেহিয়ার।
মিনারর পে-উতাতউ যেসাদে থাম্পালগোর নকশা করেসি উসাদে কারুকাজ করেসি। মিনার হাবিগির বেদিকারেত্ত বারেদে খানিচুয়া ঙায়া আছে, কুনোসমেইত মিনার বাগিয়া পড়লেউ মূল সমাধিগর গজে না পরবতা বুলিয়া।
পাসিতা
[পতিক]- ↑ ১.০ ১.১ UNESCO advisory body evaluation
- ↑ http://www.pbs.org/treasuresoftheworld/a_nav/taj_nav/main_tajfrm.html
- ↑ François Bernier "Letter to Monsieur de la Mothe le Vayer. Written at Dehli [sic] the first of July 1663" Travels in the Moghul Empire A.D. 1657-1668 (Westminster: Archibald Constable & Co.) 1891 p293
- ↑ Chaghtai Le Tadj Mahal p146
- ↑ Copplestone, p.166
- ↑ https://archive.is/20120524210735/http://www.taj-mahal-travel-tours.com/garden-of-taj-mahal.html
আরতাউ চেইক
[পতিক]- Asher, Catherine B. Architecture of Mughal India New Cambridge History of India I.4 (Cambridge University Press) 1992 ISBN 0-521-26728-5
- Bernier, Françoi' Travels in the Moghul Empire A.D. 1657-1668 (Westminster: Archibald Constable & Co.) 1891
- Carroll, David (1971). The Taj Mahal, Newsweek Books ISBN 0-88225-024-8
- Chaghtai, Muhammad Abdullah Le Tadj Mahal d'Agra (Inde). Histoire et description (Brussells: Editions de la Connaissance) 1938
- Copplestone, Trewin. (ed). (1963). World architecture - An illustrated history. Hamlyn, London.
- Gascoigne, Bamber (1971). The Great Moguls, Harper & Row
- Havel, E.B. (1913). Indian Architecture: Its Psychology, Structure and History, John Murray
- Kambo, Muhammad Salih Amal-i-Salih or Shah Jahan Namah Ed. Ghulam Yazdani (Calcutta: Baptist Mission Press) Vol.I 1923. Vol. II 1927
- Koch, Ebba [Aug 2006]. The Complete Taj Mahal: And the Riverfront Gardens of Agra (Paperback), First (in English), Thames & Hudson Ltd, 288 pages. ISBN 0-500-34209-1.
- Lahawri, 'Abd al-Hamid Badshah Namah Ed. Maulawis Kabir al-Din Ahmad and 'Abd al-Rahim under the superintendence of Major W.N. Lees. (Calcutta: College Press) Vol. I 1867 Vol. II 1868
- Lall, John (1992). Taj Mahal, Tiger International Press
- Rothfarb, Ed (1998). In the Land of the Taj Mahal, Henry Holt ISBN 0-8050-5299-2
- Saksena, Banarsi Prasad History of Shahjahan of Dihli (Allahabad: The Indian Press Ltd.) 1932
- Stall, B (1995). Agra and Fathepur Sikri, Millennium
- Stierlin, Henri [editor] & Volwahsen, Andreas (1990). Architecture of the World: Islamic India, Taschen
- Tillitson, G.H.R. (1990). Architectural Guide to Mughal India, Chronicle Books
ওয়েব মিলাপ
[পতিক]- Taj Mahal Facts And Myths
- The Taj Mahal Exclusive Gallery
- Explore the Taj Mahal Online virtual tour with 360° panoramas & downloadbale school assets
- Taj Mahal
- Taj Mahal in UNESCO List
- Photographs of Taj Mahal and other sites in Agra
- Chronology of events associated with the Taj Mahal based on 17th Century Sources
- Berger Foundation (Fondation Berger) French site displaying dozens of detailed photos of Taj Mahal
- Moonlight Garden and the Black Taj Myth
- Taj-Taj Mahal beauty beyond imagination
- 'The Man Of Marble' - Outlook India
- Taj Mahal's 360° panorama photo & more 1 MB Download 11640 X 770 size Photo (Creative Commons).
- Taj Mahal Stamp