Gula
![](http://upload.wikimedia.org/wikipedia/commons/5/5c/Zucker.jpg)
Gula adalah sabuting karbohidrat sadarhana nang jadi sumbar energi wan komoditas badagang nang utama. Gula paling banyak dijual dalam bantuk kristal sukrosa padat. Gula dipakai gasan maubah rasa jadi manis wan kaadaan makanan atawa minuman. Gula sadarhana, nang kaya glukosa (nang diulah matan sukrosa lawan enzim atawa hidrolisis asam), manyimpan energi nang cagar dipakai ulih sel.
Gula sawagai komoditi
[babak | babak asal-mulanya]Gula sawagai sukrosa diulihi matan nira, tebu, bit gula, atawa aren. Meskipun demikian, tadapat sumber-sumber gula minor nang lain, kaya nyiur. Sumber-sumber pemanis lain, nang kaya umbi dahlia, anggur, atawa bigi jagung, jua mahasilakan samacam pamanis tapi kada tasusun matan sukrosa sawagai komponen utama. Proses gasan mahasilakan gula mancakup tahap ekstraksi (pamarahan) diumpati lawan pemurnian malalui distilasi (panyulingan).
Nagara-nagara pahasil gula pangganalnya adalah nagara-nagara lawan iklim ladar nang kaya Australia, Brasil, wan Thailand. Hindia Belanda (damini Indonesia) suah jadi produsen gula utama dunia pada tahun 1930-an, tapi imbahnya tersaingi oleh industri gula hanyar nang ta-efisien. Pada tahun 2001/2002, gula nang diulah di nagara bakambang dua kali lipat tabanyak dibandingakan gula nang diulah negara maju. Penghasil gula pangganalnya adalah Amerika Latin, nagara-nagara Karibia, wan nagara-nagara Asia Timur.
Lain halnya lawan gula bit nang diproduksi di wadah lawan iklim nang tanaung nang kaya Eropa Barat Laut wan Timur, Jepang utara, wan beberapa daerah di Amerika Serikat, musim penumbuhan bit habis pada pemanenannya di bulan September. Pemanen wan paulahan basambung sampai Marit di beberapa kasus. Lawasnya pemanen wan pemrosesan dipengaruhi matan ketersediaan tumbuhan, wan cuaca. Bit nang sudah dipanen kawa disimpan gasan diproses lebih lanjut, tapi bit nang baku kada kawa lagi diproses.
Pengimpor gula pangganalnya adalah Uni Eropa (UE). Peraturan pahumaan di UE menetapkan kuota maksimum produksi matan saban anggota sesuai lawan permintaan, penawaran, wan harga. Sebagian matan gula naya adalah gula "kuota" matanindustry levies, sisanya adalah gula "kuota c" nang dijual pada harga pasar tanpa subsidi. Subsidi-subsidi tersebut wan pajak impor nang tinggi maulah negara lain ngalih gasan mengekspor ke nagara-nagara UE, atawa basaing lawannya di pasar dunia. Amerika Serikat maandak harga gula tinggi gasan mendukung pembuatnya, hal naya baisi efek samping tapi banyak buhan konsumen baalih ka sirup jagung (pembuat minuman) atawa pindah matan nagara nitu (pembuat permen).
Pasar gula jua dihantup ulih harga sirup glukosa nang murah. Sirup nitu diproduksi matan jagung (maizena), lawan mengkombinasikannya lawan pemanis ulahan pembuat minuman kawa memproduksi barang lawan harga nang murah banar.
Sajarah Industri gula di Indonesia
[babak | babak asal-mulanya]Sumbar gula di Indonesia matan zaman bahari adalah cairan kambang (nira) nyiur atawa enau, lawan cairan batang tabu. Tabu adalah tumbuhan asli matan Nusantara, tautama di hagian timur.
Wayah bubuhan Walanda mulai mambuka koloni di Pulau Jawa, kebun-kebun tabu monokultur gasan dibuka ulih ampun tanah pada abad ka-17, panambaian di parak Batavia, imbahnya bakambang ka arah timur.
Puncak kegemilangan perkebunan tebu dicapai pada tahun-tahun pamulaan 1930-an, lawan 179 pabrik pengolahan wan produksi talu(ng) juta ton gula saban tahun[1]. Panurunan harga gula akibat krisis ekonomi manggugurakan industri naya wan pada pahabisan dekade hanya tersisa 35 pabrik lawan produksi 500 ribu ton gula per tahun. Situasi pina wagas parak Perang Pasifik, lawan 93 pabrik wan prduksi 1,5 juta ton. Imbah Perang Dunia II, tasisa 30 pabrik aktif. Tahun 1950-an malihat gawian hanyar maka Indonesia menjadi eksportir netto. Pada tahun 1957, sabarataan pabrik gula dinasionalisasi wan pemerintah maatur industri naya banar. Matan 1967 sampai wayah ini Indonesia babulik menjadi importir gula.
Macitnya riset pergulaan, pabrik-pabrik gula di Jawa nang taburirit di teknologi, tingginya tingkat konsumsi (tamasuk gasan industri minuman ringan), lawan kurangnya investor gasan pembukaan lahan tebu di luar Jawa menjadi penyebab ngalihnya swasembada gula[1].
Pada tahun 2002, dikahandaki target Swasembada Gula 2007[2]. Gasan mendukungnya diulah Dewan Gula Indonesia pada tahun 2003 (berdasarkan Kepres RI no. 63/2003 tentang Dewan Gula Indonesia)[3]. Target naya imbahnya diundur batarusan[2].
Jenis
[babak | babak asal-mulanya]Gula habang
[babak | babak asal-mulanya]Gula habang adalah jenis gula nang diulah matan nira, yaitu cairan nang dikaluarakan matan kambang pohon kulawarga palma, nang kaya nyiur, aren, wan siwalan. Gula habang nang dipasarkan dalam bantuk citakan batangan silinder, cetakan satangah bal wan bubuk curah dingarani gula semut.
Gula tebu
[babak | babak asal-mulanya]Gula tebu kabanyakan dipasarakan dalam bantuk gula kristal curah. Pamulaan, bahan mentah dihancurakan wan diparah, sarinya dikumpulakan wan disaring, cairan nang tabantuk imbahnya ditambahakan bahan tambahan (rajin pakai kalsium oksida) gasan mamisahakan nang kada murni, campuran nitu imbahnya dipisahakan lagi lawan belerang dioksida atawa Calsium dioksida. Campuran nang tabantuk imbahnya digurakakan, gayadak wan sampah nang maambang imbahnya kawa babulik dipisahakan. Imbah mayu haja murninya, cairan didinginakan wan dikristalakan (rajin sambil diharu) gasan maulah gula nang kawa dituang ka citakan. Sabuting masin sentrifugal jua kawa dipakai pada proses pemisahan fasa padat ( gula ) wan fasa cair ( mesquite ).
Gula batu adalah gula tebu nang kada melalui tahap kristalisasi. Gula kotak/blok adalah gula kristal lembut nang dipres dalam bentuk dadu. Gula mentah (raw sugar) adalah gula kristal nang dulah tanpa melalui proses pemutihan lawan belerang. Warnanya pina kecoklatan marga masih mengandung molase, tetapi wayah ini gula batu sudah barasih dalam pembuatannya sehingga gula batu nang berwarna coklat sudah kadada lagi.
Gula bit
[babak | babak asal-mulanya]Imbah ditapas, bit imbahnya ditatak wan gulanya imbahnya diambil lawan banyu panas pada sabuting diffuse. Pemurnian imbahnya ditangani lawan manambahakan larutan kalsium oksida wan karbon dioksida. Imbah penyaringan campuran nang terbentuk imbahnya digurakakan sampai kandungan air nang tasisa 30% wara.
Gula imbahnya diekstraksi lawan kristalisasi terkontrol. Kristal gula pamulaan dipisahakan lawan mesin sentrifugal. Sentrifugasi digawi gasan mamisahakan kristal gula lawan molasses. Upaya gasan sentrifugasi balangsung secara optimal adalah lawan pengaturan laju putaran. Laju putaran mampangaruhi kakuatan mesin nitu banar dalam melepaskan lapisan molasses matan kristal gula. Laju putaran sentrifugasi dan cairan yang tersisa digunakan untuk tambahan pada proses kristalisasi selanjutnya. Ampas nang tersisa (di mana sudah kada kawa lagi diambil gula matan inya) dipakai gasan makanan ternak wan lawan nitu terbentuklah gula putih nang imbahnya disaring ka dalam tingkat kualitas tertentu gasan imbahnya dijual.
Itihi jua
[babak | babak asal-mulanya]Referensi
[babak | babak asal-mulanya]- ^ a b Indonesia. Proc. of the Fiji/FAO Asia Pacific Sugar Conference
- ^ a b Arifin, B. 2009. Ekonomi swasembada gula di Indonesia.
- ^ Kepres RI no. 63/2003. Artikel di TempoInteraktif, edisi 02 April 2004
Pranala luar
[babak | babak asal-mulanya]- Industri Gula di Batavia Archived 2010-09-04 at the Wayback Machine