Wolpgang Amadéus Mosar
![](http://upload.wikimedia.org/wikipedia/commons/thumb/1/1e/Wolfgang-amadeus-mozart_1.jpg/220px-Wolfgang-amadeus-mozart_1.jpg)
Wolpgang Amadéus Mosar (hurup Arab Gundul: وولفݢڠ اماديوس موسر) atawa èjaan aslinya Wolfgang Amadeus Mozart (Dèt: [ˈvɔlfɡaŋ amaˈdeus ˈmoːtsaʁt]) nyang aslinya namanya Johannes Chrysostomus Wolfgangus Gottlieb Mozart (27 Januari 1756 – 5 Désèmber 1791) entu atu orang tukang bikin gending. Mosar dianggep salah atu deri tukang bikin gending klasik nyang paling penting ama paling bekèn dalem sejarah punya lama. Dia punya gawéan (ada 700 laguan) masup gubahan-gubahan nyang jenggar diakuin puncaknya gawéan gending simponi, gending kamar, gending piano, èn gending koor. Atu tulad deri dia punya gawéan entu opera Don Giovanni dan Die Zauberflöte. Banyak deri Mosar punya gawéan dianggep répèrtoar pakem kongsèr klasik èn diakuin jadi gawéan ajib gending jaman Klasik. Dia punya gawéan banyak dirèntètin dalem kataloh Köchel-Verzeichnis.