Amsteredam
![](http://upload.wikimedia.org/wikipedia/commons/thumb/9/90/KeizersgrachtReguliersgrachtAmsterdam_%28corrected%29.jpg/220px-KeizersgrachtReguliersgrachtAmsterdam_%28corrected%29.jpg)
Amsteredam (hurup Arab Gundul: امستردام; Welanda: Amsterdam) atawa Amsterdam (hurup Arab Gundul: امستردام) entu ibu negeri ama kota paling gedé di negara Èropa Welanda. Amsteredam bekèn lantaran dia punya kanal ama bendungan. Kaga' kaya' banyak laèn-laèn ibu negeri, guwernemèn sional, mejelis bicara, kementrian guwernemèn, mahkamah ageng, kulawarga raja, èn komsol bukan di Amsteredam, melèngken di Den Hah. Kantor diplomatik nyang ada di Amsteredam cuman kantor konsolat baé.
Ni kota gableg dua uniwersitèt (Uniwersitèt Amsteredam ama Uniwersitèt Peré Amsteredam) èn atu bandar udara antérobangsa nama Bandar Udara Schiphol. Ada barang 2,2 juta nyang tinggal di ni gutekan mètropolitan. Kota Amsteredam entu kota nyang paling roncèt kebudayaannya di dunia. Ada orang-orang deri 175 negara pada ngendon di mari. Sepegimana laèn-laèn kota gedé di Welanda èn di mana-mana di dunia, Amsteredam—sayangnya—kenyi ama banyak kejahatan.
Wèsep—nyang tadénya kota sendèwèk—mulain jadi Amsteredam punya bagèan semprakan 24 Maret 2022. Mangkanya, Amsterdam gableg barang 905.000 orang.