Я з вогненнай вёскі…
| Я з вогненнай вёскі… | |
|---|---|
| Жанр | зборнік успамінаў |
| Аўтар |
Алесь Адамовіч, Уладзімір Калеснік, Янка Брыль |
| Мова арыгінала | беларуская |
| Дата напісання | 1971—1973 |
| Дата першай публікацыі | 1975 |
| Выдавецтва | «Мастацкая літаратура» |
| Электронная версія | |
«Я з во́гненнай вёскі…» — дакументальны зборнік успамінаў, кніга-памяць пра вынішчэнне нацыстамі беларускіх вёсак падчас Вялікай Айчыннай вайны. Успаміны збіралі беларускія пісьменнікі Алесь Адамовіч, Уладзімір Калеснік і Янка Брыль. У кнігу ўвайшлі сведчанні тых людзей, якія асабіста перажылі трагедыю знішчэння іх вёскі, родных і аднавяскоўцаў.
Пісьменнікі аб’ездзілі на працягу 1970—1973 гадоў 147 вёсак у трыццаці пяці раёнах Беларусі і сабралі ўспаміны больш як трохсот непасрэдных сведкаў, якія цудам ацалелі.
Кніга была выдадзена ў 1975 годзе на беларускай мове, у 1977 годзе — на рускай мове ў перакладзе Д. Кавалёва[1]. У 1978 годзе кніга перакладзена на польскую мову[2]. У 1983 годзе кніга была перавыдадзена па-беларуску.
Зноскі
- ↑ Нацыянальная бібліятэка Беларусі Архівавана 29 кастрычніка 2021.
- ↑ Ja ze spalonej wsi… : świadectwa ocalonych Нацыянальная бібліятэка Беларусі Архівавана 29 кастрычніка 2021.
Спасылкі
[правіць | правіць зыходнік]- Я з вогненнай вёскі… электронная версія на knihi.com