Перайсці да зместу

Форум Траяна

З Вікіпедыі, свабоднай энцыклапедыі
Славутасць
Форум Траяна
лац.: Forum Traiani
41°53′44″ пн. ш. 12°29′09″ у. д.HGЯO
Краіна
Месцазнаходжанне
Map
Лагатып Вікісховішча Медыяфайлы на Вікісховішчы

Форум Траяна (лац.: Forum Traiani) — храналагічна апошні з імператарскіх форумаў Рыма[3], сканструяваны архітэктарам Апаладорам з Дамаска.

Гісторыя

[правіць | правіць зыходнік]

Форум быў пабудаваны па загаду імператара Траяна і быў упрыгожаны трафеямі, прывезенымі пасля заваявання Дакіі ў 106 годзе[3]. Паводле рымскага альманаха Fasti Ostiensi, форум быў адкрыты ў 112 годзе, калона Траяна ў 113 годзе.

Для пабудовы такога велізарнага збудавання была неабходнай праца вялікай колькасці людзей: працоўныя зрылі схілы Квірынала і Капіталійскага ўзгорка, якія зачынялі даліну, занятую імператарскімі форумамі ў кірунку Марсавага поля. Магчыма, што земляныя працы былі пачаты яшчэ пры імператары Даміцыяне, але архітэктурны праект цалкам і цалкам належаў Апаладору з Дамаска[3], які таксама суправаджаў імператара Траяна ў дакійскай кампаніі.

Падчас будаўніцтва форума ў Рыме былі збудаваны рынак Траяна, Форум Цэзара (дзе была пабудавана Базіліка аргентарыяў), а таксама адрэстаўраваны Храм Венеры-Прамаці.

Будынак

[правіць | правіць зыходнік]
Мадэль форума Траяна

Форум уяўляў сабой шматлікія крытыя каланады памерам 200 на 120 метраў з экседрамі (паўкруглымі глыбокімі нішамі з месцамі для сядзення ўздоўж сцен) з двух бакоў. Галоўны ўваход на форум на паўднёвым баку, трыўмфальная арка ўвянчана калясніцай, запрэжанай шасцёркай коней. Базіліка Ульпія знаходзіцца на паўночным канцы каланады, выбрукаванай белым мармурам і ўпрыгожанай вялікай коннай статуяй Траяна.

На поўнач ад базілікі размяшчалася меншая каланада і храм, прысвечаны боскаму Траяну. Строга на поўначы ад базілікі Ульпія размяшчаліся дзве бібліятэкі, адна з лацінскімі дакументамі, іншая з грэчаскімі. Паміж дзвюма бібліятэкамі стаяла 38-метровая калона Траяна.[3]

У сярэдзіне IV стагоддзя імператар Канстанцый II падчас наведвання Рыма быў захоплены коннай статуяй Траяна і навакольнымі будынкамі. Візіт імператара і будынкі форума былі апісаны старажытнарымскім гісторыкам Аміянам Марцэлінам.

Да нашага часу захаваліся толькі часткі рынкаў і калона Траяна.

Зноскі

  1. ↑ archINFORM — 1994. Праверана 30 ліпеня 2018.
  2. ↑ а б catalogo.beniculturali.it — 2014.
  3. ↑ а б в г Roth, Leland M. (1993). Understanding Architecture: Its Elements, History and Meaning (First ed.). Boulder, CO: Westview Press. ISBN 0-06-430158-3.

Бібліяграфія

[правіць | правіць зыходнік]
  • James Packer. Trajan's Forum: A Study of the Monuments. University of California Press, 1997. (англ.)
  • James Packer. Il Foro di Traiano a Roma: breve studio dei monumenti. Edizioni Quasar, 2001. (італ.)

Спасылкі

[правіць | правіць зыходнік]
Узята з "https://be.wikipedia.org/w/index.php?title=Форум_Траяна&oldid=4615544"