Сінгасары
Гістарычная дзяржава | |
Сінгасары | |
---|---|
![]() |
|
|
|
Сталіца | Сінгасары |
Форма кіравання | манархія |
![]() |
Гісторыя Інданезіі |
---|
![]() ![]() ![]() |
Храналогія |
Сінгасары (індан.: Singhasari) — сярэдневяковая індуісцкая дзяржава на ўсходзе вострава Ява (1222—1293 гг.).
Заснаванне
[правіць | правіць зыходнік]Кен Арок, заснавальнік дзяржавы Сінгасары, — надзвычай папулярная постаць яванскага фальклора. Паводле легенд, ён быў сынам незамужняй жанчыны і Брахмы. Маці пакінула немаўля на могілках, аднак ён быў выратаваны і выгадаваны прафесійным злодзеем. У маладосці Кен Арок меў шмат прыгод. Яму прыпісваецца вынаходства крыса. У выніку ён стаў наёмнікам намесніка адной з правінцый дзяржавы Кедыры, падманам захапіў у яго ўладу і ажаніўся з прыгажуняй Кен Дэдэс. У 1222 г. Кен Арок перамог армію Кедыры і абвясціў новую дзяржаву Сінгасары.
Мангольскае нашэсце
[правіць | правіць зыходнік]Найбольш паспяховым нашчадкам Кен Арока быў пяты раджа Сінгасары, Кертанегара (1268—1292 гг.), які падпарадкаваў Балі і арганізаваў марскую экспедыцыю на захад Зондскіх астравоў. Кертанегара вёў актыўныя зносіны з іншымі дзяржавамі на тэрыторыі сучасных Інданезіі і Малайзіі, а таксама з Чампай на поўдні сучаснага В’етнама.
У 1289 г. Хубілай звярнуўся да Кертанегары з патрабаваннем выплочваць даніну, аднак той адмовіўся і знявечыў прысланых мангольскіх паслоў. У адказ, Хубілай пачаў арганізацыю ваеннай экспедыцыі на Яву. Падрыхтоўка да абароны і ўтрыманне войскаў за межамі дзяржавы аслабілі сілы Кертанегары. Гэта выкарыстаў у сваіх мэтах Джаякатванг, залежны ад яго валадар Кедыры і Маджапахіта. Ён паўстаў супраць Сінгасары, перамог яе войска і забіў раджу.
У 1293 г., калі на Яве высадзілася мангольская армія, Радэн Віджая, стрыечны сын Кертанегары, выступіў у якасці іх саюзніка супраць Джаякатванга. Але пасля разгрому войскаў Кедыры і Маджапахіта Радэн Віджая нечакана здрадзіў саюзнікам і пачаў супраць іх ваенныя дзеянні. Манголы былі вымушаны пакінуць Яву. Стрыечны сын Кертанегары стаў заснавальнікам новай дынастыі Маджапахіта.
Спасылкі
[правіць | правіць зыходнік]![]() |
Сінгасары на Вікісховішчы |
---|
- Indonesia History — Singasari Kingdom — 1222—1292
- LEGENDS OF INDONESIA Архівавана 5 сакавіка 2016.
- Mongolian invasion of Java in 1293 Архівавана 24 красавіка 2016.