Сын
![](http://upload.wikimedia.org/wikipedia/commons/thumb/7/75/British_Columbia_Regiment_1940.jpg/220px-British_Columbia_Regiment_1940.jpg)
Сын — ступень роднасці, дзіцё мужчынскага полу адносна бацькоў. Жаночы адпаведнік — дачка.
Сацыяльныя пытанні датычна сыноў
[правіць | правіць зыходнік]У даіндустрыяльным грамадстве і некаторых сучасных краінах з аграрнай эканомікай, сыны мелі і маюць большае за дачок значэнне, бо мужчыны фізічна мацнейшыя і таму на многіх работах у сельскай гаспадарцы эфектыўнейшыя, адпаведна іх сацыяльны статус у такім грамадстве вышэйшы.
У Кітаі, дзеля стрымання прыросту насельніцтва, прынята «Палітыка аднаго дзіця». Як яе вынік, афіцыйная статыстыка паказала рост нараджэння хлопчыкаў, што абумоўлена як незаконнай практыкай выбарачных абортаў паводле полу дзіця, так і шырокай практыкай утойвання нараджэння дзяўчынак ад статыстыкі, а таксама іншымі фактарамі.
У некаторых краінах прынятая практыка першародства — перавага сыноў перад дачкамі ў праве спадчыны.