Пранаб Кумар Мукерджы
Пранаб Кумар Мук(х)ерджы (бенг.: প্রণব মুখোপাধ্যায়, англ.: Pranab Mukherjee; 11 снежня 1935, в. Міраці, Бірбхум, Бенгалія, Брытанская Індыя[7] — 31 жніўня 2020) — індыйскі дзяржаўны дзеяч, 13-ы прэзідэнт Індыі (25 ліпеня 2012-25 ліпеня 2017). Раней паслядоўна займаў пасады міністра абароны (2004—2006), замежных спраў (2006—2009) і фінансаў (1982—1984 і 2009—2012).
Біяграфія
[правіць | правіць зыходнік]Пранаб Мукерджы нарадзіўся 11 снежня 1935 года ў сям’і вядомага барца за свабоду Індыі, члена Індыйскага нацыянальнага кангрэса і Заканадаўчага савета Заходняй Бенгаліі (1952—1964) Камады Кінкара Мукерджы, які правёў больш за 10 гадоў у брытанскіх турмах.
Пасля заканчэння Калькуцкага ўніверсітэта, Пранаб Мукерджы атрымаў ступень магістра (у вобласці гісторыі, паліталогіі і права) і пачаў працоўную дзейнасць у якасці выкладчыка каледжа. Праз некаторы час ён пакінуў каледж, і стаў працаваць журналістам.
У 1969 годзе Мукерджы быў упершыню абраны ў верхнюю палату парламента Індыі, такім чынам пачаўшы сваю парламенцкую кар’еру.
Актыўную палітычную дзейнасць Пранаб Мукерджы пачаў у 1973 годзе, атрымаўшы прызначэнне на пасаду намесніка міністра. У наступныя гады, ён займаў розныя пасады ва ўрадзе Індыі, у тым ліку ўзначальваючы некаторыя ведамствы. Так у перыяд з 1982 па 1984 год ён займаў пасаду міністра фінансаў Індыі ва ўрадах Індзіры і Раджыва Гандзі.
Таксама на працягу васьмі гадоў, з 2004 па 2012 год, Пранаб Мукерджы з’яўляўся лідарам ніжняй палаты парламента Індыі — Лок Сабха.
У 2004 годзе, пасля прызначэння Манмохана Сінгха на пасаду главы ўрада Індыі, Мукерджы ўзначаліў міністэрства абароны.
У 2006 годзе перайшоў на працу ў Міністэрства замежных спраў, узначальваючы гэта ведамства аж да 23 мая 2009 года.
24 студзеня 2009 годзе Пранаб Мукерджы быў прызначаны міністрам фінансаў Індыі[8].
У ліпені 2012 года Мукерджы пакінуў пасаду міністра фінансаў для ўдзелу ў прэзідэнцкіх выбарах. 19 ліпеня 2012 года адбыліся выбары, на якіх за прэзідэнцкую пасаду змагаліся два кандыдата: Пранаб Мукерджы, высунуты кіруючай кааліцыяй, і былы спікер ніжняй палаты парламента Пурно Агіток Сангма, адзіны кандыдат апазіцыі. Верагоднасць перамогі Мукерджы, ацэньваліся назіральнікамі як вельмі высокая[9][10]. У выніку, па выніках выбараў ён стаў абсалютным пераможцам, набраўшы каля 70 % галасоў выбаршчыкаў[11][12].
25 ліпеня 2012 года Пранаб Мукерджы заняў пасаду прэзідэнта Індыі, змяніўшы на гэтай пасадзе Працібху Паціл[13].
Асабістае жыццё
[правіць | правіць зыходнік]Сям’я
[правіць | правіць зыходнік]Пранаб Мукерджы з 13 ліпеня 1957 года жанаты на Суўрэ Мукерджы. У сям’і трое дзяцей: сыны Абхіджыт і Індраджыт і дачка Шарміста[14].
Захапленні
[правіць | правіць зыходнік]Мукерджы захапляецца чытаннем, садаводствам, музыкай.
Зноскі
- ↑ Pranab Mukherjee // Brockhaus Enzyklopädie
- ↑ Pranab Kumar Mukherjee // Munzinger Personen Праверана 9 кастрычніка 2017.
- ↑ Knowledge Graph — 2012.
- ↑ https://www.setn.com/News.aspx?NewsID=820357 Праверана 12 кастрычніка 2020.
- ↑ https://www.nytimes.com/2020/08/31/world/asia/pranab-mukherjee-dead.html
- ↑ https://economictimes.indiatimes.com/news/politics-and-nation/pranab-mukherjee-the-president-who-could-never-be-prime-minister/articleshow/77853662.cms
- ↑ цяпер вёска Міраці, акруга Бірбхум, штата Заходняя Бенгалія, Індыя
- ↑ Ветэрана кіруючай партыі Індыі прызначылі міністрам фінансаў — Руская служба BBC
- ↑ Ці стане 76-гадовы Пранаб Мукерджы прэзідэнтам Індыі? — Выбары.org Архівавана 26 ліпеня 2012.
- ↑ Пранабу Мукерджы праракаюць перамогу на выбарах у Індыі — NovostiUA
- ↑ Прэзідэнтам Індыі абраны кандыдат ад кіруючага альянсу Пранаб Мукерджы — РІА-Навіны
- ↑ Pranab Mukherjee — The Times of India (англ.)
- ↑ Экс-міністр фінансаў Пранаб Мукерджы абраны прэзідэнтам Індыі — Расійская газета
- ↑ Who is Pranab Mukherjee?(недаступная спасылка). NDTV.com. Архівавана з першакрыніцы 31 жніўня 2013. Праверана 14 чэрвеня 2014.
Спасылкі
[правіць | правіць зыходнік]- Прэзідэнты Індыі
- Міністры фінансаў Індыі
- Міністры замежных спраў Індыі
- Міністры абароны Індыі
- Нарадзіліся 11 снежня
- Нарадзіліся ў 1935 годзе
- Нарадзіліся ў Бенгальскім прэзідэнцтве
- Памерлі 31 жніўня
- Памерлі ў 2020 годзе
- Памерлі ў Нью-Дэлі
- Члены Індыйскага нацыянальнага кангрэса
- Выпускнікі Калькуцкага ўніверсітэта
- Асобы
- Палітыкі XXI стагоддзя