Ота Нагель
Ота Нагель | |
---|---|
ням.: Otto Nagel | |
![]() | |
Дата нараджэння | 27 верасня 1894[1][2][…] |
Месца нараджэння | |
Дата смерці | 12 ліпеня 1967[3][1][…] (72 гады) |
Месца смерці | |
Месца пахавання | |
Грамадзянства | |
Род дзейнасці | палітык, мастак, рысавальнік |
Жанр | пейзаж |
Партыя | |
Узнагароды | |
![]() |
Ота Нагель (ням.: Otto Nagel; 27 верасня 1894, Берлін, Германская імперыя — 12 ліпеня 1967, Берлін, ГДР) — нямецкі жывапісец і графік, прафесар, адзін з найбольш вядомых мастакоў ГДР. Прэзідэнт Акадэміі мастацтваў ГДР (1956—1962). Лаўрэат Нацыянальнай прэміі ГДР (1950).
Біяграфія
[правіць | правіць зыходнік]Ота Нагель нарадзіўся ў берлінскім раёне Ведынг у сям’і столяра, удзельніка сацыял-дэмакратычнага руху. У далейшым Ота ўсё жыццё прытрымліваўся левых палітычных поглядаў. Па заканчэнні «народнай» школы паступіў у школу мазаічнага і вітражнага мастацтва, але можна сказаць, што жывапісу ён навучаўся самастойна.
У час Першай сусветнай вайны Нагель трапіў у лагер для штрафнікоў за ўхіленне ад ваеннай службы. У 1919 годзе ён напісаў сваю першую карціну алеем — пад уплывам творчасці Аўгуста Маке. У гэты ж перыяд Нагель становіцца членам Камуністычнай партыі Германіі. У 1922 годзе ён сумесна з Эрвінам Піскатарам арганізуе Таварыства дапамогі мастакам.
У 1933 годзе Нагеля абралі старшынёй Агульнагерманскага саюза мастакоў, аднак амаль адразу ж гэтая арганізацыя была скасавана нацыстамі, якія прыйшлі да ўлады.
Пасля Другой сусветнай вайны Нагель жыў спачатку пад Патсдамам, затым, з 1950 года, — ва Усходнім Берліне.
У 1950 годзе Нагелю была прысуджана Нацыянальная прэмія ГДР. У тым жа годзе ён удзельнічае ў стварэнні Германскай акадэміі мастацтваў у Берліне. У 1956—1962 гадах ён займаў пасаду прэзідэнта акадэміі.
Мастак памёр 12 ліпеня 1967 года ў берлінскім раёне Бісдорф. Пасля крэмацыі, урна з яго прахам была пахаваная на Цэнтральных могілках Фрыдрыхсфельдзе.
Зноскі
- ↑ а б Otto Nagel
- ↑ Otto Nagel // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.
- ↑ Нагель Отто // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
- ↑ Deutsche Nationalbibliothek Record #118586300 // Агульны нарматыўны кантроль — 2012—2016. Праверана 30 снежня 2014.
- Нарадзіліся 27 верасня
- Нарадзіліся ў 1894 годзе
- Нарадзіліся ў Берліне
- Памерлі 12 ліпеня
- Памерлі ў 1967 годзе
- Памерлі ў Берліне
- Пахаваныя на могілках Фрыдрыхсфельдэ
- Члены Сацыялістычнай адзінай партыі Германіі
- Члены Сацыял-дэмакратычнай партыі Германіі
- Ганаровыя грамадзяне Берліна
- Лаўрэаты Нацыянальнай прэміі ГДР
- Асобы
- Мастакі паводле алфавіта
- Мастакі ГДР
- Мастакі-пейзажысты Германіі
- Мастакі Германіі XX стагоддзя
- Ганаровыя грамадзяне Патсдама
- Кавалеры ордэна «За заслугі перад Айчынай» (ГДР)