Ольтас
Ольтас | |
---|---|
стар.-грэч.: Ὄλτος | |
Род дзейнасці | вазапісец чорнафігурнага стылю, вазапісец чырвонафігурнага стылю, атычны вазапісец |
Дата нараджэння | VI стагоддзе да н.э. |
Дата смерці | V стагоддзе да н.э. |
Грамадзянства | |
Член у | |
![]() |
![](http://upload.wikimedia.org/wikipedia/commons/thumb/6/61/Dionysos_Staatliche_Antikensammlungen_2593.jpg/200px-Dionysos_Staatliche_Antikensammlungen_2593.jpg)
Ольтас (стар.-грэч.: Ὄλτος) — старажытнагрэчаскі вазапісец эпохі позняй архаікі, працаваў у Афінах у перыяд паміж 525 і 500 гадамі да н.э. Аўтарству Ольтаса цяпер прыпісваецца каля 150 прац. Дзве вазы «чара F 2264» у Берлінскім антычным зборы і «чара RC 6848» у археалагічным музеі горада Таркуінія маюць подпіс майстра.
Ольтас пачаў працаваць у майстэрні ганчара Нікасфена. Спачатку ён, галоўным чынам, выконваў роспіс вазаў-білінгваў. Яго стыль чорнафігурнага вазапісу аказаў уплыў на вазапісцаў Псіякса і вазапісца Антымена.
Адна з асаблівасцей тэхнікі Ольтаса складаецца ў тым, што тонда яго чар заўсёды адлюстроўвае толькі адну чалавечую фігуру. На пазнейшым этапе мастак сканцэнтраваўся на маляванні міфалагічных сцэн. З цягам часу ён працаваў з некалькімі ганчарамі. Дакладна вядомы прынамсі шэсць з іх: Гісхіл, Памфей, Тлесон, Хеліс і, нарэшце, Кахрыліён — іх вазы Ольтас распісваў, верагодна, сумесна з Еўфроніем і Еўтыхіем. У позні перыяд творчасці Ольтас ствараў выключна чырвонафігурныя вазы пад уплывам вазапісца Андокіда і некалькіх вазапісцаў-піянераў, асабліва іх ранняга прадстаўніка Еўфронія.
Літаратура
[правіць | правіць зыходнік]- Joachim Harnecker: Oltos. Untersuchungen zu Themenwahl und Stil eines früh-rotfigurigen Schalenmalers, Lang, Frankfurt a. M. u. a. 1992, ISBN 3-631-43755-2
Спасылкі
[правіць | правіць зыходнік]На Вікісховішчы ёсць медыяфайлы па тэме Ольтас
- MFA Boston Kylix Fragments Архівавана 10 сакавіка 2007.
- NY Met Psykter
- Louvre amphora(недаступная спасылка)
- Tarquinia, Museo Nazionale Tarquiniese RC6848
- Louvre G-3
- Perseus site images