Мамаеў курган

Помнік
Мамаеў курган
48°44′29″ пн. ш. 44°32′07″ у. д.
Краіна	Расія
Месцазнаходжанне	Валгаград Цэнтральны раён[d]
Дата заснавання	1967
Статус	Аб’ект культурнай спадчыны РФ № 3410022000
Медыяфайлы на Вікісховішчы

Мамаеў курган — курган вышынёй 102 м, размешчаны ў цэнтральнай частцы горада Валгаграда. Найвышэйшы пункт горада. Сваю назву курган атрымаў па імені хана Мамая, які меў дачыненне да гэтых краёў.

За гэты ваенна важны курган, з якога бачны ўвесь горад, у час Сталінградскай бітвы і асабліва ў верасні 1942 года і студзені 1943 года адбываліся жорсткія баі, у час якіх курган не раз пераходзіў з рук у рукі.

Скульптура «Радзіма-маці»

Пад кіраўніцтвам архітэктара Я. У. Вучэціча на Мамаевым кургане быў узведзены помнік-ансамбль «Героям Сталінградскай бітвы» (1963—1967). Галоўнае месца ў ім займае самая вялікая жаночая статуя ў свеце «Радзіма-маці». Гэта — жанчына з мячом у руцэ, у позе закліку да барацьбы. Вышыня статуі 85 м разам з мячом і 52 м без мяча.

Адметнасцю скульптуры з’яўляецца тое, што яна свабодна, як шахматная фігура на дошцы, стаіць на сваёй апорнай пліце (вышыня 2 метры). Апорная пліта, у сваю чаргу, размешчана на галоўным падмурку (вышыня 16 метраў, але большая яго частка cкрыта пад зямлёй). Найскладанейшыя разлікі ўстойлівасці гэтай канструкцыі выкананыя доктарам тэхнічных навук М. У. Нікіціным — аўтарам разліку ўстойлівасці Астанкінскай тэлевежы. Уначы статуя асвятляецца пражэктарамі.

Статуя зроблена з блокаў жалезабетону. Маса матэрыялу, без уліку асновы статуі, складае 5500 тон бетону і 2400 тон металічных канструкцый. Меч даўжынёй 29 метраў і вагой 14 тон зроблены з нержавеючай сталі. Дзеля памяншэння ветравога супраціўлення ў ім зроблены адтуліны.

Від на Волгу з Мамаева кургана ў Валгаградзе

Спасылкі

• На Вікісховішчы ёсць медыяфайлы па тэме Мамаеў курган
• Афіцыйны сайт гісторыка-мемарыяльнага комплексу «Героям Сталінградскай бітвы» (ru, en, de)
• «Віртуальны Мамаеў курган» — 3D-мадэль мемарыяльнага комплексу на Валгаград.ру (тэхналогія VRML) Архівавана 28 сакавіка 2009.
• Падрабязны фотатур па Мамаевым кургане Архівавана 2 сакавіка 2007.
• Фотагалерэя з раздзеламі аб Мамаевым кургане Архівавана 21 чэрвеня 2007.