Людвік Юзаф Красінскі

Людвік Юзаф Красінскі
Ludwik Krasiński
Герб «Слепаўрон»
Нараджэнне	1833 Краснэ, Гміна Краснэ, Пшаснышскі павет, Мазавецкае ваяводства, Польшча
Смерць	22 красавіка 1895(1895-04-22) Варшава, Царства Польскае, Расійская імперыя
Месца пахавання	Краснэ
Род	Корвін-Красінскія
Бацька	Аўгуст Корвін-Красінскі
Маці	Яанна з Красінскіх[d]
Жонка	Эліза Бранцікая, Марыя Магдалена Завіша
Дзеці	Марыя Людвіка Красінская
Веравызнанне	католік
Медыяфайлы на Вікісховішчы

Людвік Юзаф Красінскі (польск.: Ludwik Krasiński; (1833 — 21 красавіка 1895) — польскі граф, эканаміст, прамысловец. Іспанскі гранд, камергер аўстрыйскі, кавалер Мальтыйскага ордэна.

Біяграфія

Прадстаўнік польскага шляхецкага роду Красінскіх герба «Слепаўрон». Нарадзіўся ў мястэчку Краснэ Мазавецкага ваяводства. Сын Аўгуста Хенрыка Корвін-Красінскага (1797—1857). Маці — Іаана Красінская, дачка цеханаўскага старасты графа Адама Красінскага.

Палац Чапскіх. 1908

Належаў да адной з самых уплывовых сем’яў у Польшчы, якая пабудавала ў Варшаве палац Чапскіх і палац Красінскіх, апошні даў назву варшаўскай плошчы.

Уладальнік дзясятка маёнткаў на сучасных тэрыторыях Мазавецкага, Люблінскага ваяводстваў і мястэчка Рагацін. Валодаў найлепшым у Польшчы конным заводам.

У 1881 годзе арганізаваў камітэт дапамогі галадоўнікам курпіям — этнаграфічнай меншасці ў Мазавецкім ваяводстве, заснаваў для іх гузікавую фабрыку ў выглядзе 60-ці майстэрняў, дзе курпіі выраблялі гузікі з рога, косці і перламутру. Красінскі запланаваў іх 300. У 1892 годзе дзейнічала некалькі сотняў майстэрняў. Фабрыка, верагодна, спыніла працу неўзабаве пасля смерці заснавальніка.

Аўтар шэрагу артыкулаў у пяцітомнай «Энцыклапедыі сельскай гаспадаркі» (Encyklopedia rolnictwa i wiadomości związek z nim mających) (1873−1879).

Памёр раптоўна ў Варшаве. Цела з ушанаваннямі перавезлі ў Краснэ, дзе пахавалі ў мясцовым касцёле.

Сям’я

Эліза Браніцкая

Марыя Магдалена Завіша

У 1860 годзе ажаніўся на графіне Элізе Браніцкай герба Корчак, на 13 гадоў старэйшай за яго, удаве вядомага польскага паэта Зыгмунта Красінскага, дачкі графа Уладзіслава Гжэгажа Браніцкага, генерала і сенатара. З 1882 года ў шлюбе з Марыяй Магдаленай Завіша-Кезгайла (пазней Марыя Магдалена Радзівіл); дачка — Марыя Людвіка Красінская, (пазней жонка Адама Людвіка Чартарыйскага, — у іх было восем дзяцей.

Літаратура

• Bibliografia polska 1881—1900. t.1. Krakow, Nakladem Spolski Ksiegarzy Polskich, 1906

Спасылкі

• На Вікісховішчы ёсць медыяфайлы па тэме Людвік Юзаф Красінскі

Людвік Юзаф Красінскі — продкі

Францішак Красінскі[d] Людвік Красінскі[d] Józef Krasiński[d] Багуміла з Няборскіх[d] Katarzyna Staniszewska[d] Аўгуст Красінскі[d] Jerzy Sztermer[d] Katarzyna Sztermer[d] Marianna Hautrynk-Narbut[d] Jan Józef Krasiński[d] Людвік Юзаф Красінскі Міхал Геранім Красінскі[d] Teresa Elżbieta Sołtyk[d] Адам Красінскі[d] Kasper Załuski[d] Яанна з Красінскіх[d] Aleksandra Załuska[d] Franciszka Kuropatnicka[d] Katarzyna Burska[d] Józef Burski[d]