Курс — сацыяльная дэмакратыя

Курс — сацыяльная дэмакратыя
славацк.: Smer — sociálna demokracia
Лідар	Роберт Фіца
Дата заснавання	8 лістапада 1999
Штаб-кватэра	Браціслава, Славакія
Краіна	Славакія
Ідэалогія	сацыял-дэмакратыя
Інтэрнацыянал	Сацінтэрн, Партыя еўрапейскіх нацыяналістаў
Колькасць членаў	16 167
Месцаў у Нацыянальнай Радзе	62 / 150
Месцаў у Еўрапарламенце	5 / 13
Сайт	strana-smer.sk (славацк.)
Медыяфайлы на Вікісховішчы

Курс — сацыяльная дэмакратыя (славацк.: Smer — sociálna demokracia, таксама Кірунак — сацыяльная дэмакратыя, да 2005 года — Курс (трэці шлях)) — левацэнтрысцкая палітычная партыя Славакіі. На дадзены момант з’яўляецца кіруючай.

Партыя была створана ў 1999 годзе папулярным левым палітыкам Робертам Фіца, які выйшаў з Дэмакратычнай левай партыі (славацк.: Strana demokratickej ľavice). На парламенцкіх выбарах 2004 года партыя дамаглася значнага поспеху, праведзячы 25 дэпутатаў у парламент. На выбарах у Еўрапарламент, якія адбыліся ў тым жа годзе, партыя атрымала 3 з 14 прызначаных для Славакіі мандатаў. У 2005 годзе ў партыю ўвайшло некалькі больш дробных левых партый, уключаючы Дэмакратычную левую партыю, а сама партыя была перайменавана.

На парламенцкіх выбарах 2006 года партыя заняла першае месца, атрымаўшы 29,1% галасоў і 50 месцаў у славацкім парламенце. Пасля выбараў быў заключаны саюз з дастаткова папулістычнымі партыямі — Народнай партыяй — Рухам за дэмакратычную Славакію і Славацкай нацыянальнай партыяй, дзякуючы чаму лідар партыі Роберт Фіца стаў прэм’ер-міністрам Славакіі. На выбарах у Еўрапарламент 2009 года партыя атрымала 5 з 13 мандатаў, прызначаных для Славакіі.

На папярэдніх парламенцкіх выбарах 12 чэрвеня 2010 года партыя атрымала 880 111 (34,79%) галасоў і 62 месца, перамогшы ў абсалютнай большасці раёнаў Славакіі. Аднак адзін з колішніх партнёраў па кааліцыі, РЗДС, не прайшоў у парламент, а Славацкая нацыянальная партыя атрымала 9 месцаў замест былых 20. Прадстаўнікі правацэнтрычных партый адмовіліся ўступаць у кааліцыю з Робертам Фіца. Такім чынам, нягледзячы на найбуйнейшую фракцыю, партыя згубіла пануючае становішча. Новым прэм’ер-міністрам стала Івета Радзічава.

Спасылкі

• Статут партыі