Крыстафер Марла
Крыстафер Марла | |
---|---|
Christopher Marlowe | |
![]() | |
Асабістыя звесткі | |
Дата нараджэння | каля 23 лютага 1564[1][2][…] |
Месца нараджэння | |
Дата смерці | 30 мая (9 чэрвеня) 1593[3][4][…] (29 гадоў) |
Месца смерці |
|
Грамадзянства | |
Альма-матар | |
Прафесійная дзейнасць | |
Род дзейнасці | драматург, паэт, перакладчык, пісьменнік |
Гады творчасці | 1580-я — 1593 |
Кірунак | Лізавецінская драма[d] |
Мова твораў | англійская |
Подпіс |
![]() |
![]() |
Кры́стафер Марла (англ.: Christopher Marlowe; 26 лютага 1564, Кентэрберы — 30 мая 1593, Дэптфард) — англійскі паэт, перакладчык і драматург лізавецінскай эпохі, адзін з найвыбітнейшых папярэднікаў Шэкспіра. Марла быў незвычайнай асобай, доказам чаму быў не толькі яго яскравы паэтычны талент, але і прыналежнасць да філасофскага кружка У. Рэйлі, члены якога, відаць, вызнавалі даволі нетрадыцыйныя для свайго часу погляды, ставячы пад сумнеў несмяротнасць чалавечай душы.
Біяграфія
[правіць | правіць зыходнік]Марла нарадзіўся 16 лютага 1564 г. у Кентэрберы, у сям’і шаўца. У родным горадзе наведваў кентэрберыйскую Каралеўскую школу, затым вучыўся ў Кембрыджы. Скончыў Каледж Цела Хрыстова ў Кембрыджскім універсітэце, стаўшы бакалаўрам (1584), а затым — відаць, па пратэкцыі кіраўніка сакрэтнае службы Ф. Уолсінгема — магістрам (1587). Сувязь Марла з апошнім, відаць, і тлумачыць шмат вольнасцей у яго паводзінах яшчэ падчас вучобы ў Кембрыджы. Так, ён здолеў бестурботна пакінуць Кембрыдж, як тое было з лютага па чэрвень 1587 г. Ніхто не ведаў, дзе Марла ўвесь гэты час знаходзіўся. Гэта сышло яму з рук, відаць, не без заступства ўплывовых асоб Лондана. Як сцвярджаюць многія даследчыкі біяграфіі англійскага паэта і драматурга, у тым ліку і Я. Чарняк у сваёй кнізе «Пяць стагоддзяў таемнай вайны», па заданню Уолсінгема Марла выконваў нейкую таемную місію ў Еўропе. Яго мэтай было сабраць падрабязную інфармацыю аб дзейнасці англійскага каталіцкага падполля ў Францыі, якое імкнулася кінуць выклік пратэстанцкаму рэжыму каралевы Лізаветы I.
![](http://upload.wikimedia.org/wikipedia/commons/thumb/c/cd/Faustus-tragedy.gif/220px-Faustus-tragedy.gif)
Пазней Крыстафер Марла пераехаў у Лондан і заняўся актыўнай літаратурнай дзейнасцю. Тады ж уступіў у літаратурны кружок драматургаў «Універсітэцкія ўмы», куды ўваходзілі паэты Д. Лілі, Т. Нэш, Р. Грын, Дж. Піл і Т. Лодж. Тады ж была пастаўлена яго першая трагедыя «Тамерлан вялікі, скіфскі пастух». Прыблізна з гэтага часу яго стасункі з урадам стромка мяняюцца. Вальнадумны кружок У. Рэйлі, у які ўваходзіў Марла, не быў ва ўрадзе на добрым рахунку. Лічылася, што там праводзіліся нейкія блюзнерскія абрады. У маі 1593 года ў Лондане адбыліся хваляванні, у якіх удзельнічалі каталікі і пратэстанты. У горадзе распаўсюдзіліся памфлеты з выпадамі супраць рабочых-імігрантаў з Фландрыі. Тайны савет шукаў аўтараў паклёпніцкіх заклікаў сярод лонданскай літаратурнай багемы. Былі здзейсненыя ператрусы, у тым ліку і на кватэры драматурга Томаса Кіда. Сярод яго папераў былі выяўлены зацемкі, якія змяшчалі ерэтычныя выказванні: доказы атэізма, адмаўленне Боскай сутнасці Хрыста, насмешкі над яго цудамі. Кід, зняволены ў турму, паказаў, што паперы належалі Марла і засталіся ад іх сумеснае працы над п’есай два гады таму. Быў альбо не быў Марла таемным агентам, фармальна савет павінен быў дапытаць яго. 20 мая 1593 г. паэта, які гасціў у свайго сябра Томаса Уолсінгема (кузена Фрэнсіса Уолсінгема) ў маёнтку Скелберы (Кент), выклікалі на паседжанне Тайнага Савета, але не арыштавалі, а толькі загадалі кожны дзень адзначацца ў канцылярыі Савета да той пары, пакуль не будзе вынесены прысуд па яго справе. Ён пераехаў у Дэптфард, верагодна, допыт так і не адбыўся, а праз 10 дзён Марла забілі.
Зноскі
- ↑ Person Profile // Internet Movie Database — 1990. Праверана 25 чэрвеня 2019.
- ↑ Christopher Marlowe // ISFDB — 1995. Праверана 9 кастрычніка 2017.
- ↑ а б в Краткая литературная энциклопедия — М.: Советская энциклопедия, 1962. — Т. 4. — С. 644–646.
- ↑ Christopher Marlowe // Internet Broadway Database — 2000. Праверана 9 кастрычніка 2017.
- ↑ Oxford Dictionary of National Biography / C. Matthew — Oxford: OUP, 2004.
Спасылкі
[правіць | правіць зыходнік]На Вікісховішчы ёсць медыяфайлы па тэме Крыстафер Марла
- Нарадзіліся 23 лютага
- Нарадзіліся ў 1564 годзе
- Нарадзіліся ў Кенце
- Памерлі 9 чэрвеня
- Памерлі ў 1593 годзе
- Памерлі ў Вялікім Лондане
- Выпускнікі Кембрыджскага ўніверсітэта
- Асобы
- Пісьменнікі паводле алфавіта
- Нарадзіліся 26 лютага
- Нарадзіліся ў Кентэрберы
- Памерлі 30 мая
- Памерлі ў Дэптфардзе
- Забітыя пісьменнікі
- Драматургі Вялікабрытаніі
- Елізавецінцы
- Драматургі XVI стагоддзя
- Паэты Вялікабрытаніі
- Англамоўныя паэты
- Перакладчыкі паэзіі на англійскую мову