Каменданцкі праспект
| Каменданцкі праспект Санкт-Пецярбург | |
|---|---|
 | |
| Агульная інфармацыя | |
| Краіна | |
| Горад | |
| Працягласць |
|
 Медыяфайлы на Вікісховішчы | |
Каменданцкі праспект — магістраль на паўночным захадзе Санкт-Пецярбурга (Прыморскі і Выбаргскі раёны).
Каменданцкі праспект пачынаецца ад Багатырскага праспекта, заканчваецца каля Кальцавой аўтадарогі. Назву носіць з 23 лютага 1987 года ад былой каменданцкай дачы каменданта Петрапаўлаўскай крэпасці.
Праспект пачаў забудоўвацца з 1980-х гадоў, адначасова з праектаваннем аднайменнай станцыі метро. Першыя дамы на праспекце былі здадзены ў 1986 годзе. Спачатку будаваліся пераважна панэльныя дзевяціпавярховыя дамы, афарбаваныя часткова ў зялёны колер. Першапачаткова станцыю метро планавалася адкрыць у 1991 годзе, аднак у сувязі з дэфіцытам фінансавання на будаўніцтва метро, адкрыццё было адкладзенае на доўгія гады, на працягу якіх жыхары былі вымушаныя карыстацца станцыяй «Піянерская», да якой пазней дадалася станцыя «Старая Дзярэўня».
Больш дынамічна забудова праспекта працягнулася пасля 2000 года, дамы пачалі будавацца па новых узорах. 2 красавіка 2005 года была адкрыта станцыя метро «Каменданцкі праспект», размешчаная на Каменданцкай плошчы.